फाइजर खोप नेपाल आइपुग्यो, कार्तिक २८ गतेबाट लगाइने
अमेरिकाले दिएको १ लाख डोज फाइजर खोप नेपाल आइपुगेको छ । अमेरिकाले कोभ्याक्ससुविधा माफर्त नेपाललाई १ लाख ६२० डोज अनुदानमा दिएको खोप विहान ९ बजे कतार एयरको नियमित उडानबाट काठमाडौँ ल्याइएको हो ।
फाइजर खोप टेकुस्थित आपूर्ति शाखामा भण्डारणका लागि अहिले लगिदैंछ । यो खोप माइनस ८० डिग्री तापक्रममा भण्डारण गर्नुपर्ने हुन्छ । नेपालमा पहिलो पटक माइनस ८० डिग्री तापक्रममा खोप भण्डारण गर्न लागिएको हो ।
यसका लागि ४ वटा डि फ्रिज तयारी अवस्थामा रहेको आपूर्ति महाशाखाले जनाएको छ । यसअघि नेपालमा खोप माइनस १५ देखि २५ डिग्री तापक्रम सम्म राख्नमिल्ने खोप भण्डारण गरिदैं आएको थियो ।
यो खोप १२ वर्षमाथिका व्यक्तिहरुलाई लगाउन मिल्छ । कार्तिक २८ गतेबाट फाइजरको खोप दिने जानकारी यसअघि नै स्वास्थ्य तथा जनसंख्या मन्त्रालयले दिइसकेको छ । अमेरिकाले यसअघि १५ लाख डोज जोनसन एण्ड जोनसन खोप नेपाललाई अनुदानमा दिएको थियो ।
तपाईँको अभिमत