देशभर १०० कोरोना संक्रमित आइसियु र ३८ जना भेन्टिलेटरमा (कहाँ – कति ? )
काठमाडौं । कोरोना भाइरस संक्रमितको संख्या बढ्दै जाँदा देशभर आइसियु र भेन्टिलेटरमा भर्ना हुनेक्रम पनि बढिरहेको छ । देशभर १३८ जना संक्रमित आइसियुमा उपचारत छन् । आइसियुमा उपचाररत संक्रमितमध्ये ५८ जना भेन्टिलेटरमा रहेका छन् ।
स्वास्थ्य तथा जनसंख्या मन्त्रालयका अनुसार प्रदेश १ मा २, प्रदेश २ मा २, बागमती प्रदेशमा ४६, गण्डकीमा ८, लुम्बिनीमा ३६, कर्णालीमा ४ र सुदुरपश्चिममा २ जना संक्रमित सिकिस्त भई आइसियुमा उपचाररत छन् । बागमती प्रदेशमा उपचार भइरहेका संक्रमितमध्ये ३५ जना काठमाडौं उपत्यकामा छन् ।
काठमाडौं उपत्यकामा शसस्त्र प्रहरी बल अस्पताल बलम्बुमा ८, वीर अस्पतालमा ४, नेपाल प्रहरी अस्पतालमा २, शुक्रराज ट्रपिकल तथा सरुवा रोग अस्पतालमा ४, त्रिवि शिक्षण अस्पतालमा ५, पाटन अस्पतालमा ६, ग्राण्डीमा २ र ह्याम्स अस्पतालमा ४ जना आइसियुमा उपचारत छन् । उपत्यकामा आइसियुमा उपचारत ३५ मध्ये २० जना भेन्टिलेटरमा छन् ।
बलम्बुमा २, वीर अस्पतालमा २,टेकु अस्पतालमा ७, त्रिवि शिक्षण अस्पतालमा ३, पाटनमा ५ र ह्याम्स अस्पतालमा १ जना गरि २० संक्रमित भेन्टिलेटरमा रहेको स्वास्थ्य मन्त्रालयले जनाएको छ । देशभर ११ सय ६ आइसियु र ४६१ व्वटा भेन्टिलेटर बेड तयारी अवस्थामा रहेको मन्त्रालयले जनाएको छ ।
पछिल्लो केही सातादेखि संक्रमण बढिरहेकाले भीडभाडमा ननिस्कन सरकार तथा विज्ञहरुले अपिल गरिरहेका छन् । आज देशभर ९०० जनालाई कोरोना संक्रमण पुष्टि भएको छ ।
तपाईँको अभिमत