कक्षा १२ का बिद्यार्थीलाई एस्ट्राजेनेका खोप दिइने

सरकारले कक्षा १२ का बिद्यार्थीलाई जापानबाट आएको कोभिडबिरुद्धको खोप  एस्ट्राजेनेका दिने भएको छ । जापानबाट प्राप्त १६ लाख डोजमध्ये यसअघि कोभिशिल्डको पहिलो डोज लगाई दोस्रो लगाउन नपाएका जेष्ठ नागरिकहरुलाई दिइएको थियो । उनीहरूलाई लगाएर बाँकी रहेको खोप विद्यार्थीलाई दिन लागिएको स्वास्थ्य तथा जनसंख्या राज्यमन्त्री उमेश श्रेष्ठले जानकारी दिनुभयो  ।

उहाँकाअनुसार जापानबाट आएको एस्ट्राजेनेका कोभिसिल्डको दोस्रो डोजको रुपमा प्रयोग गरेर पनि कक्षा १२ परीक्षार्थीलाई दुबै डोज लगाउन पुग्ने गरी बाँकी रहेको छ । ‘त्यहि बाँकी खोप कक्षा १२ का परीक्षार्थीलाई दुवै मात्रा उपलब्ध हुने गरी देशभर वितरण गर्न लागिएको हो । 

यसअघि विहीबार नै शिक्षा मन्त्रालयले विज्ञप्ती जारी गर्दै १८ बर्ष माथिका कक्षा १२ बाट माथिका सबै विश्वविद्यालय र प्राविधिक शिक्षालय अन्तरगर्त परीक्षा दिने तयारीमा रहेका विद्यार्थीले परीक्षा प्रवेश पत्र देखाएर नजिकको खोप लिन आग्रह गरेको थियो। त्रिविका करीव ६० हजार परीक्षार्थीलाई भने सरकारले यसअघि नै खोप लगाउने व्यवस्था मिलाइसकेको छ ।