काठमाडौंमा जेठ २ देखि ११ सम्म खोप लगाउने ठाउँ ताेकियाे
हेल्थपाटी - बैशाख २९, २०७८ १८:५१ मा प्रकाशित
अ +
अ -
काठमाडौं । आउँदो जेठ २ गतेदेखि ११ गतेसम्म सञ्चालन हुने दोस्रो चरणको खोप अभियानमा १८ देखि ५९ उमेरकालाई लगाइने भएको छ । स्वास्थ्य निर्देशनालय स्वास्थ्य कार्यालय काठमाडौंले यसका लागि खोप लगाइने स्थानीय तहको नाम समेत सार्वजनिक गरेको छ ।
साथै मन्त्रालयले आज सूचना जारी गरी कुन कुन गते कहाँ कहाँ लगाउने ठाउँ र दिन पनि तोकिदिएको छ । खोप लगाउन जानेले अघिल्लो पटक खोप लगाएको कार्ड अनिवार्य रुपमा बोक्नुपर्ने छ ।
तोकिएको खोप केन्द्रमा बिहान १० बजेदेखि ४ बजेसम्म जानुपर्ने छ । दोस्रो चरणको खोप अभियान काठमाडौं महानगरपालिका, कीर्तिपुर नगरपालिका, चन्द्रागिरी नगरपालिका, नागार्जुन नगरपालिका, तारकेश्वर नगरपालिका, टोखा नगरपालिका, बूढानीलकण्ठ नगरपालिका, गोकर्णेश्वर नगरपालिका, शंखरापुर नगरपालिका र कागेश्वरी मनोहरा नगरपालिकाभित्र सञ्चालन हुने छ ।
तपाईँको अभिमत