धरान उपमहानगरको फार्मेसीहरूलाई निर्देशन : चिकित्सकको प्रेस्क्रिप्सनविना औषधि बिक्री नगर्नू
हेल्थपाटी - आषाढ ०६, २०८२ १३:०२ मा प्रकाशित
अ +
अ -
धरान उपमहानगरभित्र रहेका औषधि पसललाई धरान उपमहानगरपालिकाले चिकित्सकको सिफारिसविना औषधि बिक्री नगर्न निर्देशन दिएको छ । चिकित्सकको प्रेस्क्रिप्सनविना औषधि बिक्री भइरहेको गुनासो आएको भन्दै उपमहानगरले त्यसो नगर्न निर्देशन दिएको हो ।
‘चिकित्सकको सल्लाह निर्देशन पत्रविना औषधिहरू बिक्री वितरण कार्य नगर्नु÷नगराउनु हुन जानकारी गराइन्छ’, पप्रशासन महाशाखा प्रमुख वेदप्रसाद सापकोटाद्वारा हस्ताक्षरित पत्रमा भनिएको छ, ‘अन्यथा कानूनबमोजिम हुने व्यहोरा जानकारी गराइन्छ ।’
उपमहानगर प्रमुख हर्क साम्पाङले चिकित्सकको परामर्शविना कसैलाई पनि औषधि नबेच्न भन्नुभएको छ ।
तपाईँको अभिमत