कोरोना खोप लगाएकी काठमाडौंकी महिलाको शरीरमा फलाम टाँसियो (भिडियोसहित)
जगन्नाथ ढकाल- जेष्ठ २९, २०७८ २३:३२ मा प्रकाशित
अ +
अ -
काठमाडौं । भारतमा कोरोना विरुद्धको खोप लगाएको व्यक्तिमा म्याग्नेट उत्पन्न भएको समाचारहरु आइरहेका बेला नेपालमा पनि त्यस्तै घटना भएको छ । ३ दिन अघि मात्रै भेरोसेलको पहिलो मात्रा खोप लगाउनु भएकी असनकी ६० वर्षकी संगिता तिमिलाको शरीरमा पनि चम्चा, साँचो टाँसिएको छ । उक्त भिडियो सार्वजनिक भइसकेको छ ।
कोरोना खोप लगाएका व्यक्तिमा चम्चा,पनिउ लगायतका भाँडा टाँसिएको भिडियोले अचम्मित बनाइरहेका बेला नेपालमै यस्तै घटना देखिएपछि यसबारे अनुसन्धान हुनपर्ने देखिएको छ ।
घटना करीब २ घण्टा अगाडिको मात्रै हो । मनिष प्रधानांग आफैं डाक्टर हुनुहुन्छ, अर्थाेपेडिक सर्जन । मध्यपुर हस्पिटल तथा कोरियन नेपाल अस्पतालमा उहाँ कार्यरत हुनुहुन्छ । संगिता उहाँकी फुपु । खोप लगाएका व्यक्तिको शरीरमा चम्चा, थाल टाँसिएको भिडियो देखेर आश्चर्यमा परेका उनीहरुले त्यो भिडियोमा देखिएका दृश्य साँचो हो या होइन पत्ता लगाउन संगिताको शरीरमा चम्चा, साँचो टाँस्ने प्रयास गरे ।
सुरुमा साँचो पाखुरामा टाँसियो । त्यसपछि टाउको, हात, लगायत शरीरका अरु भागहरुमा पनि टाँसियो । पहिला समाचारमा मात्रै देखिएका दृश्य अब उनीहरुको प्रत्यक्ष आफ्नै भोगाइ र अनुभव भयो, उनीहरु आत्तिन थाले ।
फुपुको घरबाट डा.प्रधानांगलाई एक्कासी फोन आयो । फोनमा आत्तिएको आवाज सुनिन्थ्यो । भारतको जस्तै अचम्म भयो, फुपुको शरीरमा पनि फलाम टाँसियो भन्ने आवाज डा.प्रधानांग को कानमा पर्यो ।
उहाँलाई विश्वासनै लागेन, किन ठट्टा गरेको भन्नुभयो । तर होइन यो साँच्चिकै हो भन्ने आवाज लगातार सुनिरहनु भयो । डा.प्रधानांग तुरुन्तै भक्तपुरबाट असन जानुभयो । त्यसपछि उहाँ आफैंले फुपुको शरीरमा पालैपालो साँचो र चम्चा राख्नुभयो । चुम्बकले फलाम तानेको जस्तो फुपुको शरीरले पनि चम्चा, साँचो तान्यो ।
त्यो दृश्य उहाँले भिडियोमा कैद गर्नुभयो । हामीले केहीवेर अघिमात्रै डा.प्रधानांगलाई सम्पर्क गर्दा आफु भर्खरै फुपुको घरबाट घर आइपुगेको र फुपुको शरीरमा म्याग्नेट उत्पन्न भएको देख्दा अचम्मित भएको बताउनुभयो । यो खोपको असर हो या होइन भन्ने विषयमा नेपालमा पनि अनुसन्धानको आवश्यक रहेको उहाँको भनाइ छ ।
भारतमा कोभिशिल्डको दुवै मात्रा लगाएका एक व्यक्तिको शरीरमा पनि म्याग्नेट उत्पन्न भएको भिडियो अहिले सामाजिक सञ्जालमा भाइरल भइरहेको छ । यद्यपी यसबारे अध्ययन अनुसन्धान हुन भने बाँकी नै छ ।
तपाईँको अभिमत