चिकित्सा शास्त्र अध्ययन संस्थानको डीनमा प्रा.डा. मोहनराज शर्मा नियुक्त
हेल्थपाटी - मंसिर ३०, २०८१ ०७:२३ मा प्रकाशित
अ +
अ -
निकै विवादका बीच त्रिभुवन विश्वविद्यालयका डीन नियुक्त गरिएको छ । शनिबार बसेको त्रिवि कार्यकारी परिषदको बैठकले डीन नियुक्त गरेको त्रिवि प्रवक्ता एमन सिंह बोहराले जानकारी दिनुभयो ।
बोहराका अनुसार ८ वटा संकायका डीन र ३ वटा अनुसन्धान केन्द्रका कार्यकारी निर्देशक नियुक्त गरिएको छ ।
यसै अनुसार चिकित्सा शास्त्र अध्ययन संस्थान(आइओएम)को डीनमा प्रा.डा. मोहनराज शर्मा नियुक्त हुनुभएको हो ।
डीन नियुक्त गर्न गठित समितिले आइओएमको डीनका लागि असोज १४ गते यसअघि डीन रहनुभएकी प्रा.डा.दिव्यासिंह शाह, प्रा.डा.मोहनराज शर्मा र प्रा.डा. सुधा बस्नेतको नाम सिफारिश गरेको थियो । त्यसअघि समितिले १३ असोजमा उनीहरुसंग कार्ययोजना प्रस्तुति सहितको अन्तर्वार्ता लिएको थियो ।
तर अहिलेसम्म डीन नियुक्त हुन सकिरहेको थिएन । दिव्याको ४ वर्षे पदावधि गत असारमै सकिएको थियो ।
तपाईँको अभिमत