औषधि पसल धनी र व्यवसायी एकै व्यक्ति हुनपर्ने व्यवस्था हटाउन माग
काठमाडौं । औषधि व्यवसायीहरुले पसल धनी र व्यवसायी एकै व्यक्ति हुनुपर्ने व्यवस्थाले आफुहरु अप्ठेरोमा परेको गुनासो गरेका छन् ।
नेपाल औषधि व्यवसायी संघले आज औषधि व्यवस्था विभागमा ज्ञापनपत्र बुझाउदै पसल धनी र व्यवसायी एकै व्यक्ति भएमा मात्रै औषधि पसल दर्ता तथा नविकरण गर्ने व्यवस्था औषधि ऐनमा कही कतै नभएको स्पष्ट पारेको छ ।
संघले भनेको छ, 'औषधि ऐनमा कही कतै फर्मासिष्ट वा फार्मेसी सहायक वा व्यवसायीले मात्र सञ्चालन गर्न पाउनुपर्छ भनी उल्लेख नभएको अवस्थामा धनी र व्यवसायी एकै व्यक्ति नहुन पनि सक्छ भन्ने कुरालाई ध्यान दिनपर्छ । '
साथै संघले हिजोका दिनमा गरिमामय स्थानमा बस्नुभएका व्यक्तिबाट आफ्ना मातहतका व्यक्तिहरूलाई नियमसंगत तरिकाबाट सुसूचित गर्नुको सट्टा आफ्नो कार्य क्षेत्राधिकार नाघी सम्पूर्ण व्यवसायमा खलल पुग्ने गरी व्यवसायीलाई आतंकित बनाउने गरी निरीक्षण गरिएको र उक्त कार्य अपरिपक्व रहेको भन्दै भर्त्सनासमेत गरेको छ ।
विभागले समस्या समाधान नगरे चुप लागेर नबस्ने चेतावनी व्यवसायीहरुले दिएका छन् ।
तपाईँको अभिमत