विद्यालय नर्सिङ कार्यक्रमका लागि राखिएका नर्सलाई कोभिड उपचारमा खटाइने
अ +
अ -
विद्यालय नर्सिङ कार्यक्रमका लागि नियुक्त गरिएका नर्सलाई कोभिड उपचारमा खटाइने भएको छ । बागमती प्रदेशले नियुक्त गरेका ३ सय नर्सलाई कोभिड संक्रमितको उपचारमा खटाउने भएको हो ।
विद्यालयमा खटिएका ती नर्सलाई आवश्यकताअनुसार अस्पताल र पालिकासँगको समन्वयमा जिल्ला अस्पतालले कोभिड उपचारमा खटाउने छ ।
पछिल्लो समय कोरोनाको ओमिक्रोन भेरियन्ट तीव्र गतिमा फैलिएसँगै संक्रमितको उपचारका लागि जनशक्तिको अभाव हुन थालेको छ । जनशक्तिको अभाव हुन थालेसँगै विद्यालयमा खटिएका नर्सलाई पनि कोभिड संक्रमितको उपचारमा खटाउन लागिएको हो ।
विद्यालय नर्सिङ कार्यक्रम अन्तर्गत बागमती प्रदेशका प्रति स्थानीय तह ३ जना नर्स परिचालन गरिएका छन् । अब उनीहरू पनि कोभिड संक्रमितको उपचारमा खटिने भएका हुन् ।
तपाईँको अभिमत