क्रियाशील स्वास्थ्य पत्रकारिता पुरस्कार ‘द राइजिङ नेपाल’की अजिता रिजाललाई
हेल्थपाटी - माघ १३, २०८१ १३:३८ मा प्रकाशित
अ +
अ -
यस वर्षको ‘क्रियाशील स्वास्थ्य पत्रकारिता’ पुरस्कार अजिता रिजाललाई प्रदान गरिएको छ । स्वास्थ्य पत्रकार मञ्च नेपालले प्रदान गर्दै आइरहेको पुरस्कार अङ्ग्रेजी दैनिक पत्रिका ‘द राइजिङ नेपाल’मा कार्यरत रिजाललाई प्रदान गरिएको हो ।
शनिबार सम्पन्न मञ्चको दशौँ वार्षिक साधारण सभा तथा छैटौं राष्ट्रिय अधिवेशनको अवसरमा रिजाललाई स्वास्थ्य मन्त्री प्रदीप पौडेल, पुरस्कारका संस्थापक बासुदेव न्यौपाने र मञ्चका अध्यक्ष सरोज ढुंगेलले संयुक्त रुपमा पुरस्कार हस्तान्तरण गर्नुभएको थियो ।
पछिल्लो समय मोफसलमा रहेर स्वास्थ्य पत्रकारितामा क्रियाशील पत्रकार बासुदेव न्यौपानेले स्वास्थ्य पत्रकार मञ्चसँग सहकार्य गर्दै यो पुरस्कार स्थापना गर्नुभएको हो ।
१० हजार राशीको यो पुरस्कार हरेक दुई दुई वर्षमा हुने अधिवेशनका बेला प्रदान गरिँदै आएको छ ।
तपाईँको अभिमत