एयर इन्डियाको विमान मेडिकल विद्यार्थीहरूको मेसमाथि खस्यो, २०४ जनाको मृत्यु भएको पुष्टि
हेल्थपाटी - जेष्ठ २९, २०८२ १९:५९ मा प्रकाशित
अ +
अ -
बिहीबार भारतको अहमदाबादमा विमान दुर्घटना भएको छ । एयर इन्डियाको विमान मेडिकल विद्यार्थीहरूको मेसमा खसेको बताइएको छ ।
बीबीसी हिन्दीका अनुसार बीजे मेडिकल कलेजको मेस भएको भवनमा खसेको थियो । मेसमा विद्यार्थीहरूले दिउँसोको खाना खाइरहेका बेला विमान खस्दा २०४ जनाको मृत्यु भइसकेको बताइएको छ ।
विमानमा २४२ जना सवार रहेका थिए । जसमा २३२ जना यात्रु र १० जना विमान चालक दलका सदस्य रहेका थिए ।
प्रहरी अधिकारीका अनुसार अहिले ४१ जनाको अस्पतालमा उपचार भइरहेको छ ।
एयर इन्डिया र यसको मूल कम्पनी टाटा समूहले एक विज्ञप्ति जारी गर्दै दुर्घटनाबारे जानकारी दिएका छन्।
बीजे मेडिकल कलेजको अस्पतालको आपतकालीन वार्डमा रहनुभएका डा. मोहितले घाइतेहरूलाई अस्पतालमा भर्ना गरिएको छ। उहाँका अनुसार विमान मेडिकल विद्यार्थीहरूको मेसमा खसेको थियो, र जब दुर्घटना भयो, त्यसबेला विद्यार्थीहरू दिउँसोको खाना खाइरहेका थिए ।
डा. मोहितका अनुसार धेरै घाइतेहरूको अवस्था गम्भीर छ। अधिकांश घाइते जलेको अवस्थामा छन्, केहीलाई गहिरो चोटपटक पनि लागेको बताइएको छ ।
अहमदाबाददेखि लन्डनका लागि उडेको विमान उडेको पाँच मिनेटमै खसेको थियो । विमानमा २३० जना वयस्क, दुई नवजात शिशु र १० जना चालक दलका सदस्य थिए ।
तीमध्ये १६९ भारतीय नागरिक, ५३ जना बेलायती नागरिक तथा एक जना क्यानडा र सात जना गच नागरिक सवार रहेको बताइएको छ ।
तपाईँको अभिमत