भारतमा नयाँ संक्रमित २०१ दिन यताकै कम, ६२ प्रतिशत केरलामा मात्रै
भारतको महाराष्ट्रमा कोभिड परीक्षणका लागि स्वाब परीक्षण गर्दै स्वास्थ्यकर्मी ।
हेल्थपाटी - आश्विन १२, २०७८ १३:१२ मा प्रकाशित
अ +
अ -
भारतमा पछिल्लो २४ घण्टामा १८ हजार ७९५ जना कोरोना संक्रमित थपिएका छन् । भारतीय मिडियाले दिएको जानकारी अनुसार २०१ दिन यताकै कम हो । २४ घण्टामा भारतमा कोरोनाबाट १७९ जनाको मृत्यु भएको छ ।
१८ हजारमा पनि भारतको केरलामा मात्रै ११ हजार ६९९ जनामा संक्रमण पुष्टि भएको छ । कुल संक्रमितमा ६२ प्रतिशत भन्दा धेरै केरलामा मात्रै थपिएका छन् । अझै पनि केरलामा संक्रमणदर ४० प्रतिशतदेखि ५० प्रतिशतसम्म रहेको भारतीय मिडियाले जनाएका छन् ।
सक्रिय संक्रमितको संख्या ३ लाखबाट ओरालो लागेको छ । केरलापछि धेरै संक्रमित फेला पर्नेमा तमिलनाडु, कर्नाटक, महाराष्ट्र, आन्द्र प्रदेश लगायत छन् । भारतमा मंगलबारसम्म ७८ करोड भन्दा धेरै डोज खोप लगाइसकिएको छ ।
तपाईँको अभिमत