विश्वका १०० प्रभावशाली नर्स तथा मिडवाइफमा नेपालका ४ जना
काठमाडौं । विश्वका १०० प्रभावशाली नर्स तथा मिडवाइफको सूचिमा नेपालकी ४ जना पर्न सफल हुनुभएको छ । प्रभावशाली नर्स तथा मिडवाइफमा सूचिकृत हुनेहरुमा २ जना नर्स र २ जना मिडवाइफ हुनुहुन्छ ।
१०० प्रभावशाली नर्स तथा मिडवाइफको सूचिमा नर्स दुर्गा सापकोटा, शुस्मा योञ्जन, मिडवाइफ प्रशंसा बुढा र रुक्मीनि त्रिपाठी रहनुभएको छ । दुर्गा ९ वर्षदेखि क्लिनिकल र जनस्वास्थ्य क्षेत्रमा क्रियाशिल हुनुहुन्छ ।
उहाँ प्रजनन स्वास्थ्य,मातृशिशु,नवजात शिशु स्याहारमा अनुभवी हुनुहुन्छ । दुर्गा युवा नर्स, जो प्रसुती सेवा तर्फबाट सूचिकृत हुनुभएको हो ।यस्तै प्रशंसा नेपालकी पहिलो मिडवाइफ ब्याचकी हुनुहुन्छ । उहाँ मिडवाइफ अन्तर्गत सूचिकृत हुनुभएको हो । यस्तै रुक्मिनी पनि मिडवाइफ अन्तगर्त १०० प्रभावशाली नर्स तथा मिडवाइफमा छानिनुभएको हो । शुस्मा क्लिनिकल र समुदायस्तरमा नर्सको रुपमा कार्यरत हुनुहुन्छ ।
नर्स तथा मिडवाइफको अन्तराष्ट्रिय बर्ष २०२० को अवसरमा विश्व स्वास्थ्य संगठन, यूएनएफपीए, अन्तराष्ट्रिय नर्सिङ परिषद् तथा अन्तराष्ट्रिय मिडवाइफ संघले संयुक्त रुपमा ४ जना नर्सलाई १०० प्रभावशाली नर्स तथा मिडवाइफमा सूचिकृत गरेको हो ।
४३ देशका ३०० भन्दा बढी नर्स तथा मिडवाइफको नाम सिफारिस भएकोमा नेपालको तर्फबाट ४ जना नर्स सूचिकृत हुनुभएको हो ।
तपाईँको अभिमत