ती नारीहरूलाई महिला दिवस कहिले आउला ?
हेल्थपाटी - फाल्गुन २४, २०७८ १३:५० मा प्रकाशित
अ +
अ -
आज ११२औं अन्तर्राष्ट्रिय श्रमिक महिला दिवस । विश्वभर र नेपालमा पनि आज विभिन्न कार्यक्रम गरी यो दिवस मनाइँदै छ। हरेक वर्ष श्रमिक महिला दिवसका बेला समानताका पक्षमा महिला अधिकारका पक्षमा धेरै बहस छलफल हुन्छ ।
होटल, सेमिनार हलहरुमा भव्य कार्यक्रम पनि भइरहेको देखिन्छ । ठूलो धनराशी खर्च पनि भएकै हुन्छ । सञ्चार माध्यमहरुमा दजर्नौँ लेख, रचना अन्तवार्ताहरु प्रसारण, प्रकाशन भएको देखिन्छ।
तर पनि त्यस्ता नेपाली श्रमिक महिलाहरुको दुखः उस्तै देखिन्छ । समाजमा महिलामाथिको हिंसा उत्तिकै देखिन्छ । साना बालिकादेखि वृद्धाहरु सम्म बलात्कृत भएका र मारिएका खबर दिनहुँ जसो आइरहेका हुन्छन् । एसिड प्रहार भएका घटना त्यत्तिकै सुनिन्छन् । दाइजोको निहुँमा मारिएका, हिंसा भोग्ने महिलाहरुको पीडा उस्तै छ ।
आज महिला दिवसका दिन नेपालका महिलाका विषयमा सोच्दा मेरा मनमा दर्जनौँ प्रश्न उब्जिने गर्छ ।
लाग्छ यी नारीहरुलाई कहिले आउला महिला दिवस ?
-पैतृक सम्पतिमा समान अधिकार नपाउने नारी ।
-पुरुषसरह श्रम गर्दा पनि बराबर पारिश्रमिक नपाउने नारी ।
-छोरालाई काखा छोरीलाई पाखाको विभेदबाट पीडित बनेका नारी।
-शिक्षा, स्वास्थ्य र रोजगारको अवसरबाट वञ्चित भएका नारी ।
-पारिवारिक र सामाजिक हिंसामा परेका नारी।
-हिंसा र शोषणमा परेका नारी ।
-विदेशमा बेचिएर हिंसा सहन बाध्य नारी।
-छाउपडी जस्ता कुसंस्कारले थिचिएका नारी ।
-दाइजोको नल्याइको भन्दै पति, सासू, ससुराबाट हिंसा सहन ज्यूँदै जल्न बाध्य नारी।
-हर पाइलामा बालात्कारको त्रास बोक्दै बाँचिरहेका र बलात्कृत हुँदै मृत्युवरण गर्न बाध्य नारी।
-प्रेमको बहानामा एसिड आक्रमणमा परी कुरुप कुरुप बनाइएका नारी ।
- विभिन्न संघसंस्थामा अपहेलना सहेर बसेको नारी ।
- छोराछोरी हुँदाहुँदै मन्दिर सडक, बृद्धमआश्रममा बसिरहेका नारी।
-गर्भमा भ्रुण हुँदै जीवन गुमाउनु परेका नारी ।
- बोक्सीको आरोपमा यातना सहन बाध्य नारी।
-जडयाह श्रीमानबाट पीडित नारी
-उच्च ओहदामा पुगेर पनि दुर्व्यवहार खेप्नु परेका नारी ।
११२औं अन्तर्राष्ट्रिय श्रमिक महिला दिवसको अवसरमा विश्वभरीका आमा तथा दिदीबहिनीहरुमा हार्दिक शुभकामना !
तपाईँको अभिमत