रेडक्रस कार्यालय नजिकै भएको हमलामा २२ को मृत्यु, रेडक्रस कार्यालयमा पनि क्षति
हेल्थपाटी - आषाढ ०८, २०८१ १३:४१ मा प्रकाशित
अ +
अ -
गाजास्थित आफ्नो कार्यालय नजिकै इजरायलले हमला गर्दा २२ जनाको मृत्यु भएको अन्तर्राष्ट्रिय रेडक्रस समिति (आइसीआरसी) ले जनाएको छ । शुक्रबार रेडक्रसकर्मी बस्ने स्थान भन्दा केही पर मात्र आक्रमण भएको समितिले जनाएको बीबीसीले उल्लेख गरेको छ ।
उक्त हमला इजरायली पक्षले गरेको इजरायली रक्षाका प्रवक्ताले स्विकार गरेका छन् ।
गाजास्थित रेडक्रसको उक्त कार्यालयका केही संरचनामा क्षति पुगेको आइसीआरसीले बताएको छ । उक्त क्षेत्रमा विस्थापित परिवार बस्दै आएका थिए । टेन्ट टाँगेर बस्दै आएका ती परिवारसँगै प्यालेस्टाइनका रेडक्रसकर्मीहरू पनि सोही क्षेत्रमा बस्दै आइरहेका थिए ।
हमलामा थप ४५ जना घाइते भएका छन् । तर घाइतेहरूको बढ्न सक्ने जनाइएको छ ।
पछिल्लो समय गाजामा यस किसिमका खतरनाक आक्रमण बढेको आइसीआरसीले जनाएको छ । यस किसिमको आक्रमणले मानिसको जीवन र सभ्यतालाई नै खतरामा पु¥याएको आइसीआरसीले विज्ञप्तिमा भनेको छ ।
तपाईँको अभिमत