आजको मौसम : यी स्थानमा हुनसक्छ धेरै भारी वर्षा

हेल्थपाटी
आषाढ १५, २०८२ ०६:२० मा प्रकाशित

अ + अ -

देशका अधिकांश प्रदेशमा आज धेरै भारी वर्षाको सम्भावना देखिएको छ । मौसम पूर्वानुमान महाशाखाका अनुसार गण्डकी, लुम्बिनी, कर्णाली र सुदूरपश्चिम प्रदेशको थोरै स्थानहरूमा तथा बाँकी प्रदेशको पहाडी भूभागका एक–दुई स्थानमा धेरै भारी वर्षाको सम्भावना रहेको हो ।

त्यस्तै केही स्थानमा भने मेघगर्जनसहित हल्कादेखि मध्यम वर्षाको सम्भावना रहेको छ ।

दिउँसो उच्च पहाडी तथा हिमाली भूभागका थोरै स्थानहरूमा मध्यम वर्षा वा हिमपातको सम्भावना रहेको छ ।

आज राति पनि लुम्बिनी, कर्णाली र सुदूरपश्चिम प्रदेशको थोरै स्थानहरूमा तथा बाँकी प्रदेशको पहाडी भूभागका एक–दुई स्थानमा भारीदेखि धेरै भारी वर्षाको सम्भावना रहेको छ । ती प्रदेशलगायत देशको पहाडी भूभागका धेरै स्थानहरूमा मेघगर्जनसहित मध्यम वर्षाको सम्भावना रहेको छ ।

भारी वर्षाका कारण हुनसक्ने जोखिमबाट जोगिन महाशाखाले अनुरोधसमेत गरेको छ ।