आज ६ प्रदेशमा भारी वर्षा हुने, बागमती र कोशीका नदीमा अलर्ट जारी

मनसुनको न्यून चापीय रेखा सरदर स्थानको आसपास जल तथा मौसम विभागले जनाएको छ । मौसम पूर्वानुमान महाशाखाका अनुसार अहिले बिहान देशभर आंशिक देखि साधारणतया बदली रहेको छ । बागमती र गण्डकी प्रदेशका धेरै स्थानमा तथा बाँकी प्रदेशका थोरै स्थानमा  हल्कादेखि मध्यम वर्षा भइरहेको छ । गण्डकी र लुम्बिनी प्रदेशका एक–दुई  स्थानमा भारी वर्षा भइरहेको छ ।

 मौसमविद् धर्मराज उप्रेतीका अनुसार गए राति बागमती, गण्डकी  प्रदेश धेरै ठाउँमा  भारी, केही ठाउँमा मध्यम र केही ठाउँमा  हल्का वर्षा भयो । काठमाडौं  उपत्यकाका धेरै  ठाउँमा  मध्यमदेखि भारी वर्षा भएको छ । 

जल तथा  मौसम विज्ञान  विभाग ले बागमती का  ५ वटा  नदीमा राटो अलर्ट जारी गरेको छ भने कोशी र कमला मा सावधानी अलर्ट जारी गरेको छ । 

ती ठाउँमा अहिले पनि हल्कादेखि मध्यम वर्षा जारी छ । 

मनसुनी  न्यून चापीय रेखा अबका केही दिन मा नेपाल तिर सर्ने सम्भावना छ । त्यसले मनसुन थप सक्रिय बनाउने र धेरै पानी पर्ने सम्भावना छ । 

मशाखाका अनुसार आज दिउँसो देशभर साधारणतया बदली रहने छ। सबै प्रदेशका केही स्थानमा मेघ गर्जन तथा चट्याङ्सहित हल्कादेखि मध्यम वर्षाको सम्भावना छ। कोशी, बागमती, गण्डकी, लुम्बिनी, कर्णाली र सुदुरपश्चिम प्रदेशका एक–दुई स्थानमा भारीदेखि धेरै भारी वर्षाको पनि सम्भावना रहेको छ ।  

आज राति देशभर साधारणतया बदली रहने छ। सबै प्रदेशका केही स्थानमा मेघ गर्जन तथा चट्याङ्सहित हल्कादेखि मध्यम वर्षाको सम्भावना रहेको छ। कोशी, लुम्बिनी र कर्णाली प्रदेशका थोरै स्थानमा तथा बागमती, गण्डकी, र सुदूरपश्चिम प्रदेशका  एक–दुई स्थानमा भारीदेखि धेरै भारी  वर्षाको पनि सम्भावना रहेको छ।