अविरल वर्षाका कारण गएको पहिरोमा परी इलाममा १४ जनाको मृत्यु, एक गर्भवतीको हेलिकप्टरबाट उद्दार

हेल्थपाटी
आश्विन १९, २०८२ १२:५० मा प्रकाशित

अ + अ -

दुई दिनदेखिको अविरल वर्षाका कारण गएको पहिरोमा परी इलाममा १४ जनको मृत्यु भएको छ । सहायक प्रमुख जिल्ला अधिकारी भोलानाथ गुरागाईका अनुसार हालसम्म १४ जनाको मृत्यु भएको पुष्टि भएको हो ।

इलाम नगरपालिका, सूर्योदय नगरपालिका, देउमाई नगरपालिका, माङसेबुङ गाउँपालिका र फाकफोकथुम गाउँपालिकामा मानवीय क्षति बढी भएको छ ।

कतिपयले अन्य स्थानमा पनि घर पुरिएको र मृत्यु भएको भन्ने कुरा गरिरहेको भएपनि अन्य पुष्टि हुन भने बाँकी रहेको गुरागाईको भनाइ छ ।

अहिले सवारी आवगमनमा पहिरोका कारण अवरुद्ध भएकोले घटनास्थलमा उद्धारकर्मी पैदल गइरहेको उहाँले जानकारी दिनुभयो ।
यसैगरी एक जना गर्भवतीको हेलिकप्टरबाट उद्दार गरिएको छ ।

अझै पनि मौसम सफा नहुने तथा वर्षा भइरहने मौसम पूर्वानुमान रहेकाले सर्वसाधारणलाई संयमित र सतर्क रहन जिल्ला प्रशासन इलाममले अनुरोध गरेको छ ।