तीजको किनमेल गरेर फर्कदा गाडी खोलाले बगायो, ४ महिलाको मृत्यु
खोलाले बगाउँदा क्षतिग्रस्त बनेको गाडी ।
हेल्थपाटी - भाद्र १७, २०७८ ०८:५४ मा प्रकाशित
अ +
अ -
खोलाले गाडी बगाउँदा दाङमा ४ जनाको मृत्यु भएको छ । बुधबार राति १० बजेतिर घोराहीस्थित सिस्ने खोलाले प्रदेश ३–०१०२४ च ४४४० नम्बरको गाडी बगाउँदा घटना भएको दाङमा प्रमुख जिल्ला अधिकारी रामबहादुर कुरुम्वाङले जानकारी दिनु भएको छ ।
प्रजिअ कुरुम्वाङका अनुसार मृत्यु हुनेमा घोराही–१५ की बिमला केसी, घोराही–१३ की नितामाया पुन, घोराही–१३ कै सुशीला श्रेष्ठ र घोराही–१५ की राधा कुँवर रहेका छन् । सुशिला र राधा दिदी बहिनी रहेको प्रजिअ कुरुम्वाङले बताउनु भयो ।
गाडीका चालक नर बहादुर पुन घाइते भएका छन् । उनीहरु कपिलवस्तुको कृष्ण नगरमा तीजको किनमेल गरी घोराही फकिँदै थिए ।
तपाईँको अभिमत