अफगानिस्तानको प्रसुती अस्पतालमा अन्धाधुन्द गोलि चल्यो, २ नवजात शिशु सहित १६ जनाको मृत्यु

अफगानिस्तानको राजधानी काबुलस्थित एक प्रसुती अस्पतालमा बन्धुकधारीले अन्धाधुन्द गोलि चलाउदा २ नवजात शिशु सहित १६ जनाको मृत्यु भएको छ । दास्टी बार्चीमा रहेको १०० बेडको प्रसुती अस्पतालमा प्रहरीको बर्दीमा आएका तीन आक्रमणकारीले करिब आधा घण्टा अन्धाधुन्द गोलि चलाएका थिए । 

घटना किन र कसले गर्यो जानकारीमा आउन सकेको छैन । यसविषयमा अनुसन्धान भइरहेको प्रहरीलाई उद्रत गर्दै अन्तराष्ट्रिय सञ्चारमाध्यमहरुले जनाएका छन् । मारिनेमा नवजात शिशु, बालबालिका, आमा, प्रहरी तथा नर्स रहेको अन्तराष्ट्रिय सञ्चारमाध्यमहरुले जनाएका छन् । 

आन्तरिक मामला मन्त्रालयले सार्वजनिक गरेको फोटोमा दुई बालबालिका अस्पतालको भुँइमा मृत अवस्थामा रहेका देखिन्छ । यस्तै मन्त्रालयको फोटोमा एक महिलाले आफुलाई गोलि लागेर भुँइमा मृत अवस्थामा रहदासम्म बच्चालाई बेस्सरी छातिमा च्यापेर राखेकी दर्दनाक फोटो पनि मन्त्रालयले सार्वजनिक गरेको छ । रोयर्टसका अनुसार ती महिला नर्स हुन् र उनी सघन उपचार कक्षतर्फ जादै थिइन् । एजेन्सी ।