ब्रेकिङ न्यूज: प्रधानमन्त्रीको मिर्गौला प्रत्यारोपण शुरु
जगन्नाथ ढकाल- फाल्गुन २१, २०७६ ०९:१० मा प्रकाशित
अ +
अ -
काठमाडौं, २१ फागुन । प्रधानमन्त्री केपी शर्मा ओलीको मिर्गौला प्रत्यारोपण हुँदैछ । शिक्षण अस्पतालका निर्देशक डा.प्रेम खड्गाले प्रधानमन्त्री ओलीको प्रत्यारोपणको सम्पूर्ण तयारी पूरा गरि अप्रेशनका लागि अप्रेशन कक्षमा सारिएको बताउनुभयो ।
प्रधानमन्त्रीलाई उहाँकी भान्जीले मिर्गौला दान गर्दै हुनुन्छ । युरोलोजिष्ट डा. उत्तम शर्मा, डा. प्रेम ज्ञवाली, डा. पवन चालिसे लगायतको टोलीले प्रधानमन्त्रीको मिर्गौला प्रत्यारोपण गर्दै हुनुहुन्छ ।
भारतको म्याक्स अस्पतालका वरिष्ठ प्रत्यारोपण सर्जन डा. अनन्तकुमार प्रधानमन्त्री केपी शर्मा ओलीको मिर्गौला प्रत्यारोपणमा सहभागी हुनुहुन्छ । भारतीय चिकित्सक डा. अनन्तकुमारले नेपाल मेडिकल काउन्सिलबाट मंगलबार एक साताका लागि विदेशी नागरिक चिकित्सक दर्ता स्वीकृति लिइसक्नुभएको छ ।
हेल्थपाटी डटकम प्रधानमन्त्रीको शीघ्र स्वास्थ्यलाभको कामना गर्दछ ।
तपाईँको अभिमत