अध्ययन भन्छ- कोरोना भएकालाई फोक्सोमा रगत जम्ने समस्या देखिन सक्छ
सांकेतिक तस्बिर।
हेल्थपाटी - जेष्ठ १९, २०७९ १४:०२ मा प्रकाशित
अ +
अ -
कोभिड–१९ संक्रमणले फोक्सोमा रगत जम्ने समस्या देखिने एक अध्ययनले दावी गरेको छ । अमेरिकाको रोग नियन्त्रण तथा रोकथाम केन्द्रले गरेको अध्ययनमा यस्तो देखिएको वैज्ञानिकले बताएका छन् ।
एक फ्रान्सेली मिडियामा प्रकाशित खबर अनुसार अध्ययनमा फ्रान्सका वैज्ञानिकहरु सामेल थिए । उनीहरुले २०२० को मार्चदेखि २०२१ को नोभेम्बरसम्म करिब ३ लाख ५० हजार कोरोना संक्रमितमाथि अध्ययन गरेर यस्तो निष्कर्ष निकालेका हुन् ।
संक्रमण नभएका व्यक्तिका तुलनामा कोरोना संक्रमित व्यक्तिमा फोक्सोमा खराब रगतहरु जम्ने सम्भावना दुई गुणा बढी हुने अध्ययनले देखाएको एएफपीलाई उद्धृत गर्दै प्रकाशित खबरमा भनिएको छ ।
अध्ययनमा भनिएअनुसार कोभिड–१९ ले तीव्र पल्मोनरी एम्बोलिज्म विकास गर्ने सहयोग गर्ने र फोक्सोको धमनीमा जम्ने समस्या हुन्छ। पल्मोनरी एम्बोलिज्महरू सामान्यतया खुट्टाको नसा हुँदै फोक्सोमा जान्छन्, यो जमेमा अक्सिजनको कमी भई फोक्सोमा क्षति पुग्ने र मृत्यु सम्म हुनसक्छ।
अध्ययन टोलीले लंग्स कोभिड सँग सम्बन्धित २६ केसमाथि गहिरो अध्ययन गरेको थियो।
यो अध्ययनले कोभिड–१९ अन्य विभिन्न पक्षबारेमा पनि रिपोर्ट तयार परेको छ ।
तपाईँको अभिमत