वैज्ञानिकको निष्कर्ष : अग्ला व्यक्तिलाई मुटु र नसा सम्बन्धी रोगको जोखिम धेरै

मान्छेको उचाइ र रोगको सम्बन्ध हुन्छ कि हुँदैन भनेर वैज्ञानिकहरूले एक विस्तृत अध्ययन गरेका छन् । यो अध्ययनले व्यक्तिको उचाइ कम वा बढी हुनुले उसमा देखिने स्वास्थ्य समस्यालाई प्रभावित पार्ने  कुरा पुष्टि गरेको छ। कुनै पनि व्यक्तिको उचाइ कम वंशानुगत गुण, शरीरमा उत्पन्न हुने हर्मान तथा जीवनशैलीमा भरपर्छ।

अध्ययनले भनेको छ–व्यक्तिको उचाइ धेरै छ उसलाई मुटुको गति कम–बढी हुने, नसा सम्बन्धी रोग, न्यायु बिग्रने र अल्सर जस्ता रोगको जोखिम धेरै हुन्छ।

धेरै उचाइ भएकालाई  कोलोनरी हृदयरोग, उच्च रक्तचाप, कोलेस्टोरोल बढ्ने जस्ता रोगको जोखिम कम हुने अध्ययनले देखाएको छ। 

दी गार्डियन्समा प्रकाशित खबर अनुसार अमेरिकाको रक्की माउन्टेन रिजनल भीए मेडिकल सेन्टरले यो अध्ययन गरेको हो । अनुसन्धानको नेतृत्व श्रीधरन राघवनले गरेका छन् । यो अध्ययनको रिपोर्ट पीएलओस जेनेटिक जर्नलमा प्रकाशित भएको थियो।

के अग्लो वा होचो हुनुले व्यक्तिहरूलाई रोगको जोखिम हुन्छ ? यस विषय  निकै गहिरो अध्ययन गरिएको दावी वैज्ञानिकहरूको छ । 

वैज्ञानिकका अनुसार २ लाख ५० हजार महिला–पुरुषमा यो अध्ययन गरिएको रिपोर्टमा भनिएको छ।

अध्ययनमा वैज्ञानिकहरूले विभिन्न रोग र व्यक्तिको वास्तविक उचाइको सम्बन्ध र वंशाणुगत आधारमा उसको अनुमानित उचाइलाई अलग–अलग गरी अध्ययन गरेका थिए।

यस अध्ययनमा २ लाख गोरो वर्णका व्यक्ति र ५० हजार कालो वर्णका वयस्क व्यक्तिको अणुवंशिक र स्वास्थ्यको स्थिति सामेल छ । यसमा १ हजार भन्दा धेरै स्थिति तथा लक्षणहरू समावेश गरिएको वैज्ञानिकको भनाइ छ । 

यसपछि अध्ययनले निष्कर्ष निकाल्यो कि– बढी उचाइ हुनाले मुटुको धड्कन कम–बढी हुने, नसा सम्बन्धी रोग, न्यायु सम्बन्धी समस्याको जोखिम धेरै हुन्छ। तर कोलोनरी हृदयरोग, उच्च रक्तचाप, कोलेस्टोरोल बढ्ने  जोखिम कम हुन्छ ।

यस बाहेक अग्लो मान्छेलाई छाला तथा हड्डीको संक्रमण र अल्सरको जोखिम बढी भएको निष्कर्ष पनि यो अध्ययनले निकालेको छ । 

यसअघि उल्लेख गरेका बाहेक अग्लो मान्छेलाई छाला तथा हड्डीको संक्रमण र अल्सरको जोखिम बढी भएको निष्कर्ष पनि यो अध्ययनले निकालेको छ । 

उचाइले व्यक्तिमा १०० भन्दा बढी स्वास्थ्य अवस्थालाई प्रभावित पार्नसक्ने कुराको तथ्य आफूहरूसँग रहेको रिसर्चको नेतृत्व गरेका वैज्ञानिक श्रीधरन राघवनको छ । उनले केही निष्कर्षहरूलाई थप पुष्टि गर्न बाँकी रहेको बताए । विश्वका विभिन्न देशका जनसंख्यामाथि अध्ययन गर्दा थप लाभ मिल्ने राघवनको भनाइ छ ।