अनमी र नर्सलाई एउटै दर्जामा राख्नपर्ने सांसद बिमला बिश्वकर्माकाे माग आपत्तिजनक : गाेनान
नेकपा एमाले सांसद बिमला बिश्वकर्माले संघीय सदनमा अनमी र नर्सलाई एउटै दर्जामा राखी सेवा सुविधा दिनपर्ने माग उठाउनु भएको प्रति नर्सहरुले आपत्ति जनाएका छन् । सरकारी सेवामा आवद्ध नर्सहरुको संस्था (गोनान)ले विज्ञप्ति निकालेर सांसद विश्वकर्माले विरोधाभाषपूर्ण अभिव्यक्ति दिएर नर्सहरुको मनोबलमा धक्का पुर्याएको बताएको छ ।
नर्सिङ पेशामा चौथो तह अनमीदेखि एघारौं तहको प्रमुख अस्पताल नर्सिङ प्रशासक सम्मको पद हुने र पढाइमा पिसिएलदेखि पिएचडीसम्म नेपालकै मान्यता प्राप्त बिश्व बिद्यालयबाट अध्ययन अध्यापन हुने भएकाले अनमी र नर्सलाई एउटै दर्जामा राख्न नमिल्ने गोनानले स्पष्ट पारेको छ ।
गोनानकी अध्यक्ष कल्पना श्रेष्ठ र महासचिव राजकुमारी ज्ञवालीद्वारा हस्ताक्षरित विज्ञप्तिमा ९९ प्रतिशत महिला नर्स भएको पेशालाई हौसला बढाउनु पर्नेमा मनोबल गिराउने र हतोत्साही पार्ने प्रस्तुती सांसद विश्वकर्माले दिनुभएको भन्दै अबका दिनहरूमा नर्सिङ पेशासंग सम्बन्धी ऐन निमयावली, आबद्ध संघ संगठन र नर्सिङ तथा सामाजिक सुरक्षा महाशाखा संग समन्वय गरि प्रस्तुत गरिदिन हुन सभासद लगायत नीति निर्माण तहमा रहेका ब्यक्तित्वहरूलाई ध्यानाकर्षण गराइएको छ ।
‘नर्सिङ पेशाको हक हितमा बोल्नु भएको कुरा सकारात्मक हो तर बास्तविक कुरा बुझेर बोल्नु पर्नेमा सदन जस्तो गरिमामय स्थानमा स्टाफ नर्स र अनमी। कोर्स पढेका कर्मचारीहरूलाई एउटै दर्जामा राखी सेवा सुबिधा दिने गरि नितिगत व्यवस्था मिलाउन सरकार संग माग गरी प्रतिनिधि सभामा आफ्नो धारणा राखिएको प्रति सरकारी सेवामा आबद्ध नर्सहरूको संघ नेपालको गम्भिर ध्यानाकर्षण भएको छ , विज्ञप्तिमा भनिएको छ । ’
सभासद जस्तो गरीमामय पदमा रहेको ब्यक्तिले बोल्दा र काम गर्दा अध्ययन अनुसन्धान नगरी हचुवाको भरमा आफ्नो सतही धारणा दिनु भन्दा बिषयगत ब्यक्तिहरू सँग छलफल र राय लिई प्रस्तुत हुनपर्ने सुझाव गोनानले दिएको छ ।
असार ९ गतेको प्रतिनिधि सभा बैठकमा शुन्य समयमा बोल्दै सांसद बिश्वकर्माले नर्स र अनमीलाई एउटै दर्जामा राख्नुपर्ने माग गर्नुभएको थियो । उहाँले अनमी र नर्सको काम एउटै रहेकाले, अनमीलाई पनि स्टाफ नर्ससरह अवसर प्रदान गर्न नीतिगत व्यवस्था मिलाउन सरकारको ध्यानाकर्षण गराउनुभएको थियो ।
यस्ताे अभिव्यक्ति आएलगत्तै स्टाफ नर्सहरुहरुले उहाँको चर्काे आलोचना गरेका थिए ।
GOVERMENT-NURSES
तपाईँको अभिमत