राष्ट्रिय प्रत्यारोपण केन्द्रमा २५औं कलेजो प्रत्यारोपण, यो वर्ष १५ पुग्यो
हेल्थपाटी - जेष्ठ २४, २०८१ ०७:०६ मा प्रकाशित
अ +
अ -
भक्तपुरस्थि शहीद धर्मभक्त राष्ट्रिय प्रत्यारोपण केन्द्रमा गरिएको २५औँ कलेजो प्रत्यारोपण सफल भएको छ ।
केन्द्रमा कलेजो प्रत्यारोपण गराएका बिरामी स्वास्थ्यलाभ गरी डिस्चार्ज भएका छन्। बारा निजगढका ५४ वर्षीय बद्री प्रसाद चौलागाईँ प्रत्यारोपण भएको १०औं दिनमा बुधबार अस्पतालबाट डिस्चार्ज भएका हुन् ।
केन्द्रले दिएको जानकारी अनुसार उनलाई ५१ वर्षीया श्रीमती यानु कुमारी गौतमले कलेजो दान दिएकी थिइन्।
केन्द्रका कार्यकारी निर्देशक डा.पुकारचन्द्र श्रेष्ठका अनुसार यस वर्ष मात्रै १५ जनाको कलेजो प्रत्यारोपण भएको हो ।
केन्द्र स्थापना भएको १२ वर्षमा १२४८ जनामा मिर्गाैला र २५ जनाको कलेजो प्रत्यारोपण भएको छ ।
तपाईँको अभिमत