विदेश जान नर्सिङको नक्कली प्रमाणपत्र पेश गर्ने युवतीलाई कारबाही गरिँदै

फाइल फोटो।
एक युवतीले विदेश जानका लागि नर्सिङ अध्ययन गरेको नक्कली शैक्षिक प्रमाणपत्र बनाएको खुलेको छ ।
नर्सिङ पढेको नक्कली शैक्षिक प्रमाणपत्र पेस गरी भेरिफिकेसन लेटर बनाउन खोज्ने युवतीलाई नेपाल नर्सिङ काउन्सिलले कारबाही गर्ने तयारी गरेको छ ।
एमबीए विषयमा स्नातकोत्तर गर्नुभएकी दाङकी २७ वर्षकी ती युवतीले दुबईको एक स्वास्थ्य संस्थामा काम गर्न जानका लागि आफूले नर्स पढेको भनी काउन्सिललाई नक्कली सर्टिफिकेट पेस गर्नुभएको थियो ।
विदेशमा नर्सिङ अध्ययन वा काम गर्न काउन्सिलबाट भेरिफिकेसन लेटर लिनपर्ने हुन्छ । ती विद्यार्थी आफ्नो नर्स साथीको सर्टिफिकेटमा सोही अनुसार आफ्नो नक्कली सर्टिफिकेट बनाएको खुलेको छ ।
काउन्सिलले सोधपुछ गर्ने क्रममा ती विद्यार्थीले आफूले विदेश जानका लागि नक्कली सर्टिफिकेट बनाएको स्वीकार्नुभएको नर्सिङ काउन्सिल स्रोतले जानकारी दिएको छ ।
यसबारे छानबिन गरी कार्बाही गर्न काउन्सिलले प्रहरी कार्यालय महाराजगञ्जमा जाहेरी दिएको छ ।
तपाईँको अभिमत