आयुर्वेद तथा वैकल्पिक चिकित्सा महाशाखा व्यवस्था गर्न कडानको माग

सिभिल आयुर्वेद चिकित्सक संघ कडानले प्रत्येक प्रदेशमा आयुर्वेद तथा वैकल्पिक चिकित्सा महाशाखा गठन गर्न सरकारसँग माग गरेको छ । बागमतीमा स्वास्थ्य मन्त्रालयले तेरिज दरबन्दी तयार गरेपछि कडानले बरिष्ठ कन्सल्ट्यान्ट आयुर्वेद बिज्ञ ९र१० औं तहको नेतृत्वमा आयुर्वेद तथा बैकल्पिक चिकित्सा महाशाखाको व्यवस्था गर्न माग गरेको हो ।

कडानका अध्यक्ष डा. अमूल्य दाहालले विज्ञप्ति निकालेर महाशाखाको व्यवस्था नहुँदा नेपालको मौलिक एवं स्वास्थ्य क्षेत्रमा महत्वपुर्ण भुमिका निर्वाह गरिरहेको सिङ्गो आयुर्वेद तथा बैकल्पिक चिकित्सा क्षेत्रको दरिलो प्रतिनिधित्व नहुने र यसले यो क्षेत्र झन् छायाँमा पर्ने बताउनुभएको छ । 

स्वास्थ्य क्षेत्रमा आयुर्वेद तथा वैकल्पिक चिकित्सा पद्धतिको योगदान र स्वास्थ्य क्षेत्रमा बढ्दै गईरहेको नसर्ने रोग व्यवस्थापनमा यी चिकित्सा पद्धतिहरुको भुमिकाको स्मरण गर्दै ती रोगहरुको रोकथाम गरी प्रकोप न्यूनिकरण तथा उपचारका लागि प्रभावकारी ढंगले उपयोग गर्न आयुर्वेदका साथै होमियोप्याथी, प्राकृतिक चिकित्सा, यूनानी, सोया रिग्पा आदि बैकल्पिक चिकित्सा पद्धतिहरुलाई समेट्ने गरी महाशाखा व्यवस्था गर्न बागमती प्रदेश सरकारसँग माग गरेको छ ।