स्वास्थ्यकर्मीको प्रमाणपत्र नक्कली, विशेष अदालतमा मुद्दा दर्ता

अख्तियार दुरुपयोग अनुसन्धान आयोगले नक्कली प्रमाण पत्र लिएको अभियोगमा स्वास्थ्यकर्मीमाथि मुद्दा दायर गरेको छ । 

स्याङ्जाको गल्याङ नगरपालिकामा कार्यरत सि.अहेब दुर्गा प्रसाद भट्टराईविरुद्ध बिहीबार विशेष अदालतमा मुद्दा दायर गरिएको अख्तियारका प्रवक्ता नरहरि घिमिरेले जानकारी दिएका छन् । 

प्रवक्ता घिमिरेका अनुसार छैटौँ तहका भट्राईको एसएससीको प्रमाणपत्र नक्कली रहेको  भन्ने उजुरी परेको थियो । भट्राईले भारतबाट जारी भएको प्रमाणपत्र देखाएर ग्रामीण स्वास्थ्य कार्यकर्ता पदमा नियुक्ति लिएका थिए । 

माध्यमिक शिक्षा परिषद् क्षेत्रीय कार्यालय, वाराणसीबाट जारी भएको प्रमाणपत्र छानबिनका क्रममा नक्कली रहेको पाइएको अख्तियारले जनाएको छ । 

उक्त नक्कली प्रमाण पत्र देखाएर जागिर खानेर छैटौँ तहसम्म बढुवा भई लाभ र सुविधा प्राप्त गरेको देखिएका अख्तियारले जानकारी दिएका छ । भ्रष्टाचार निवारण ऐन २०५९ को दफा १६(१) बमोजिमको कसुर गरेको अभियोगमा विशेष अदालतमा  मुद्दा दायर गरिएको हो ।