चिकित्सा शिक्षा स्नातकोत्तर तहमा १७६ वटा सिट खाली, आवेदन माग
चिकित्सा शिक्षा स्नातकोत्तर तहमा विभिन्न शिक्षण संस्थामा १७ वटा विषयमा १७६ वटा सिट खाली रहेका छन् ।
गत माघ ८, ९ र १० गते सञ्चालन भएको स्नातकोत्तर तह एकीकृत प्रवेश परीक्षामा खुला तर्फको योग्यताक्रमको सूचीमा रहेका उम्मेदवारहरुको भर्ना पश्चात १७६ वटा सिट खाली हुन आएको चिकित्सा शिक्षा आयोगले जनाएको छ ।
सिट खाली हुन आएपछि समापन म्याचिङमा सहभागी हुन आयोगले बैशाख १५ गतेदेखि आवेदन दिन सूचित गरेको छ । आवेदन वैशाख २१ गतेभित्र दिइसक्नुपर्नेछ ।
प्राथमिकता निर्धारण गर्न छुट भएका वा पूर्वमनोनयन सूची वा पूर्वभर्नासूचीमा परी सिट अस्विकार गरेका, कुनै पनि चरणको भर्नासूचीमा नपरेका वा भर्नासूचीमा परी अनलाइन प्रणालीमार्फत सिट अस्विकार गरेका र वैदेशिक अध्ययन अनुमतिपत्र नलिएका वा वैदेशिक अध्ययन अनुमतिपत्र लिई उक्त अनुमतीपत्र नियमानुसा रद्द गरेका उम्मेदवारहरुले आवेदन दिन सक्नेछन् ।
कुनै पनि सूचीमा समावेश भई परित्याग गरेका उम्मेदवारलाई भने समापन म्याचिङमा सहभागी नगराइने आयोगले जनाएको छ ।
एम फर्मा, एमडी/ एमसमा एनाटोमी, बायोकेमिष्ट्री, फरेन्सिक मेडिसिन, अस्पताल व्यवस्थापन लगायतका १७ वटा विधामा सिट रिक्त रहेको आयोगले जनाएको छ ।
p g_2079-1-15
तपाईँको अभिमत