पोखरामा एकैदिन २ जनाको मिर्गाैला प्रत्यारोपण, ८औँ पुग्यो
पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालमा आइतबार एकैदिन २ जनाको मिर्गौला प्रत्यारोपण गरिएको छ ।
शहीद धर्मभक्त राष्ट्रिय प्रत्यारोपण केन्द्र, भक्तपुरको प्राविधिक सहयोगमा पोखरामा सातौं र आठौं मिर्गौला प्रत्यारोपण गरिएको केन्द्रले जानकारी दिएको छ ।
पोखरा स्वास्थ्य विज्ञान प्रतिष्ठान का नेफ्रोलोजिष्ट डा. जुजु राज श्रेष्ठका अनुसार तनहुँकी महिला र पर्वतका पुरुषको मिर्गाैला प्रत्यारोपण गरिएको हो।
दमैलीकी २५ वर्षीया पुनम थापा मगरलाई उहाँका ४९ वर्षीय बुवा राजु थापा मगरले मिर्गौला दान गरेका हुन् गर्नुभएको छ ।
त्यस्तै पर्वतका २७ वर्षीय गम बहादुर मगरको पनि आइतबार नै मिर्गाला मिर्गौला प्रत्यारोपण छ । गमबहादुरलाई उहाँका बुबा ५२ वर्षीय ५२ वर्षीय हेमन्त पुनले मिर्गौला दान गर्नुभएको थियो ।
मृगौला प्रत्यारोपणमा राष्ट्रिय प्रत्यारोपण केन्द्रका कार्यकारी निर्देशक तथा प्रत्यारोपण सर्जन डा. पुकार चन्द्र श्रेष्ठको नेतृत्वमा टोली खटिएको थियो। दुवै जनाको स्वास्थ्य अवस्था अहिले सामान्य रहेको श्रेष्ठले जानकारी दिनुभयो ।
अन्य टोलीमा डा. दिपेश श्रेष्ठ, डा. हरि प्रसाद बराल र ओटी नर्स अनिता घजु सहभागी हुनुभएको थियो ।
पोखरा स्वास्थ्य विज्ञान प्रतिष्ठानबाट शल्य चिकित्सक डा. प्रकाश क्षेत्री, डा. अनुप चापागाँई, डा. सन्तोष श्रेष्ठ, डा डेभिड श्रेष्ठ, एनेस्थेसियोलोजिष्ट डा. रोहीनी सिग्देल, डा. माया लामा सहभागी हुनुहुन्थ्यो।
त्यसैगरी डा. पंकज बराल, डा. हरि पौडेल, डा. अनिल न्यौपाने, डा. सतिस गुरुङ, डा विशाल गुरुङ नेफ्रोलोजिष्ट डा. जुजु राज श्रेष्ठ, डा. अमृत केसी, साथै ओ.टी इन्चार्ज कविता पौडेल सहितको टोली सहभागी रहनुभएको थियो।
राष्ट्रिय प्रत्यारोपण केन्द्र भक्तपुरको सहयोगमा पोखरामा पहिलो पटक २०७९ असार ९ गते मिर्गौला प्रत्यारोपण गरिएको थियो । त्यसपछि ८ वटा सफल प्रत्यारोपण भइसकेको छ ।
प्रत्यारोपण सेवालाई सातै प्रदेशमा विस्तार गर्ने काममा स्वाथ्स्य सचिव डा.रोशन पोखरेल र देवकुमारी गुँरागाइको भुमिका महत्वपूर्ण रहेको राष्ट्रिय प्रत्यारोपण केन्द्रका निर्देशक डा.श्रेष्ठले बताउनुभयो ।
पश्चिमाञ्चल क्षेत्रीय अस्पतालका निर्देशक डा.भरत खत्रीले पोखरामा अहिलेसम्म विपन्नका लागि निशुल्क प्रत्यारोपणको सुविधा उपलब्ध नभएको गुनासो गर्नुभयो ।
विपन्नलाई निशुल्क सुविधा उपलब्ध नहुँदा मिर्गाैलाका बिरामी निराश रहेको पनि उहाँले बताउनुभयो ।
तत्काल निशुल्क सुविधा उपलब्ध गराउन उहाँको माग छ।
तपाईँको अभिमत