सात जिल्लामा हात्तीपाइलेविरुद्धको औषधि सेवन अभियान सुरु
अभियानमा सहभागी हुन सबैलाई स्वास्थ्यमन्त्री यादवको अपील
फाइल तस्बिर ।
हेल्थपाटी - बैशाख १६, २०८१ ११:४९ मा प्रकाशित
अ +
अ -
आजबाट चार प्रदेशका सात जिल्लामा हात्तीपाइलेविरुद्धको औषधि सेवन अभियान सुरु भएको छ । झापा, धनुषा, महोत्तरी, सर्लाही, रौतहट, रसुवा र कपिलवस्तुमा अभियान सुरु भएको हो ।
यसबारे एक भिडियो सन्देश जारी गर्दै उपप्रधान तथा स्वास्थ्य तथा जनसंख्या मन्त्री उपेन्द्र यादवले सबैलाई अभियानमा सहाभागी हुन अपील गर्नुभएको छ । ‘जनताको स्वास्थ्यमा सुधार भएमा मात्रै समृद्ध राष्ट्रको निर्माण सम्भव छ’ उहाँले भन्नुभयो, ‘औषधि सेवन गरौँ, र अरूलाई पनि औषधि सेवन गर्नका लागि उत्प्रेरित गरौँ ।’
हात्तीपाइलेविरुद्धको औषधि २ वर्षदेखि माथिको औषधि खान मिल्ने सबै नागरिकले खान मन्त्री यादवले आग्रह गर्नुभएको छ ।
हात्तीपाइलेलाई निवारण गर्न भन्दै सरकारले सन् २००३ देखि औषधि सेवन अभियान सञ्चालन गर्दै आइरहेको छ ।
तपाईँको अभिमत