नेपालमा पनि कोरोनाको नयाँ प्रजाति फेला, ३ जनामा संक्रमण पुष्टि
काठमाडौं । नेपालमा पनि कोरोना भाइरसको नयाँ प्रजाति फेला परेको छ । स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमले नेपालमा बेलायतबाट आएका ३ जनामा नयाँ प्रजातिको कोरोना भेटिएको जानकारी दिनुभयो ।
उहाँले २८ बर्षिया महिला, ६७ र ३२ बर्षिय पुरुषमा नयाँ प्रजातिको भाइरसको संक्रमण भएको पुष्टी भएको बताउनुभयो । तिनै जनामा बेलायतमा देखिएकाे नयाँ प्रजाति (बी–१.१.७ ) भएको पुष्टी भएको हो ।
कोरोनाको नयाँ प्रजातिको उद्गम्स्थल बेलायतबाट केहि दिन अघि नेपाल फर्किकएकालाई स्वास्थ्य मन्त्रालयको निगरानीमा राखी नमुना परीक्षण गर्दा ३ वटा नमुनामा एसजिन नेगेटिभ नेगेटिभ देखिएपछि नयाँ प्रजातिका् संक्रमण भए / नभएको पुष्टि गर्न पुस २७ गते विश्व स्वास्थ्य संगठनको सहयोगमा साे नमुना हङकङ प्रयोगशाला पठाइएको थियो ।
प्रवक्ता गौतमले प्रयोगशालाबाट ३ जनामा नयाँ प्रजातिको संक्रमण पुष्टिको जानकारी आजै मात्र प्राप्त भएको बताउनुभयो । संक्रमण पुष्टि भएका तीन जना मध्ये २८ बर्षिया महिला र ३२ बर्षीय पुरुषको रिपोर्ट नेगेटिभ आइसकेको र ६७ बर्षिय पुरुष पोजेटिभ नै रहेपनि लक्षण नदेखिएको प्रवक्ता गौतमले जानकारी दिनुभयो ।
उहाँले नेपालमा भ्याक्सिन उपलब्ध नहुञ्जेल उच्च सावधानी अपनाउन सबैलाई अनुरोध गर्नुभयो । सकेसम्म भीडभाडमा नजाने, जानु परे पनि दुई मिटरको दूरी कायम राख्ने, बाहिर जाँदा अनिवार्य रुपमा मास्क लगाउने र साबुन पानीले हात धुने वा स्यानिटाइजर प्रयोग गर्नु नै मुख्य रोकथामका उपाय रहेकाले सचेत रहन प्रवक्ता गौतमले सबैलाई आग्रह गर्नुभयो ।
बेलायतमा देखिएको नयाँ प्रजाति पुरानाे भन्दा ७० प्रतिशतभन्दा बढी संक्रामक हुने विज्ञहरुले बताउँदै आएका छन् । नयाँ प्रजाति बढी संक्रामक भएपनि गम्भिर किसिमका बिरामी भने कम हुने गरेको पाइएको छ, यद्यपी यसबारे थप अध्ययनहरु भइरहेका छन् । नयाँ प्रजातिका भाइरस देखिरहँदा हाल निर्मित र निर्माणाधिन खोपले काम गर्छ या गर्दैन भन्ने प्रश्न उब्जिएको छ ।
तपाईँको अभिमत