आज यी चार प्रदेशमा चट्याङसहित वर्षाको सम्भावना
हेल्थपाटी - बैशाख ०१, २०८२ ०६:४६ मा प्रकाशित
अ +
अ -
आज चार प्रदेशमा दिउँसो चट्याङसहित वर्षाको सम्भावना रहेको छ । मौसम पूर्वानुमान महाशाखाका अनुसार कोशी, मधेश, वागमती र गण्डकी प्रदेशका थोरै स्थानहरूमा मेघगर्जनसहित वर्षाको सम्भावना रहेको हो ।
त्यस्तै तीन प्रदेशका उच्च पहाडी तथा हिमाली भूभागका एक–दुई स्थानमा हल्का वर्षा र हिमपातको सम्भावना रहेको छ ।
हाल देशमा पश्चिमी वायु तथा स्थानीय वायुको प्रभावका कारण वर्षा भइरहेको छ ।
केही दिनअघिदेखि परेको वर्षाका कारण वायु प्रदूषणमा राहत तथा किसानहरूलाई समेत राहत मिलेको छ ।
यसैगरी राति पनि काशी र गण्डकी प्रदेशका पहाडी भूभागका एक–दुई स्थानमा मेघगर्जनसहित हल्का वर्षाको सम्भावना रहेको छ । ती प्रदेशका उच्च पहाडी र हिमाली क्षेत्रमा हिमपातको पनि सम्भावना रहेको महाशाखाको भनाइ छ ।
वर्षा र हिमपातका कारण सामान्य जनजीवनमा असर पर्नसक्ने भएकाले सतर्कता अपनाउन पनि महाशाखाले अनुरोध गरेको छ ।
तपाईँको अभिमत