कोरोना उपचारमा सरकार जिम्मेवार छ, १ हजार बेड थपिदै : स्वास्थ्यमन्त्री त्रिपाठी (भिडियो)
हेल्थपाटी - बैशाख १८, २०७८ १९:२१ मा प्रकाशित
अ +
अ -
काठमाडौं । स्वास्थ्य तथा जनसंख्या मन्त्री हृदयेश त्रिपाठीले कोरोनाको उपचार तथा नियन्त्रणका लागि सरकार जिम्मेवार रहेको बताउनुभएको छ । मन्त्री त्रिपाठीले भिडियो शन्देश दिदैँ कोरोनाको उपचार विधि, अस्पताल थप गर्ने लगायतका व्यवस्थापन सरकारले गर्ने भएकाले आतंकित नहुन आग्रह गर्नुभयो ।
उहाँले कोरोनाको उपचारको जिम्मा सरकारले लिएको भन्दै भोलिदेखि नै कोभिडको उपचारका लागि काठमाडौं उपत्यकामा थप १ हजार बेड थपिने जानकारी दिनुभयो । मन्त्री त्रिपाठीले कोरोना नियन्त्रणका सवालमा कहिंकतै त्रुटी भएको र त्यसको नैतिक जिम्मेवार आफुले लिएको बताउनुभयो ।
दोस्रो लहरको संक्रमण जटिल रहेपनि आतंकित हुन नपर्ने र कोरोना उपचारका लागि आवश्यक पर्ने औषधि, अक्सिजन लगायतका सामग्री केही दिनमा नै नेपाल ल्याइने पनि उहाँले बताउनुभयो । उहाँले कोरोना नियन्त्रण गर्न निषधाज्ञा गर्नु परेको भन्दै केही समय धैर्य गर्न सर्वसाधरणलाई आग्रह गर्नुभयो ।
तपाईँको अभिमत