आज नेपालमा कोरोना खोप आउँदै छ ? स्वास्थ्यमन्त्री यसाे भन्नुहुन्छ !
काठमाडौं । आज भारतबाट नेपालमा कोरोना खोप आउने चर्चा भइरहेको छ । हिजोबाट नेपालका सञ्चार माध्यममा यसखालका खबरहरु आइरहेका छन्। ती खबरहरुमा जनाइएअनुसार भारतबाट आज नेपालमा कोरोना खोप आउने छ । खबर अनुसार भोली(बिहीबार) भारतीय पक्षले नेपाललाई हस्तान्तरण गर्नेछ ।
केही भारतीय मिडियाहरुले पनि भारतले आज नेपालसहितका केही छिमेकी देशमा कोरोनाको खोप पठाउन लागेको खरब दिएका छन् ।
के साँच्चै नेपालमा आज कोरोना खोप आउँदै हो र ?
आजै नेपालका कोरोना भाइरस(कोभिड–१९) विरुद्धको खोप आउँदै छ भन्ने कुरा हल्ला मात्रै रहेको स्वास्थ्यमन्त्री हृदयेश त्रिपाठीले बताउनु भएको छ ।
बुधबार बिहान हेल्थपार्टीसँग कुरा गर्दै मन्त्री त्रिपाठीले नेपालमा जतिसक्यो छिटो खोप भित्र्याउनका लागि मन्त्रालय लागिपरिरहेको बताउदै खाेप आउने मितिकाे टुंगो लागिनसकेकाे जानकारी दिनुभयाे ।
भारतीय मिडियामा आएका केही समाचारकै आधारमा आज नेपालमा खोप आउने भनेर हल्ला चलेको हुनसक्ने मन्त्री त्रिपाठीको बुझाइछ। ‘खै आजै नेपालमा कोरोना खोप आउँछ भनेर हामीलाई थाहा छैन, उनीहरुले कसरी समाचार लेखे ?’ उहाँ प्रश्न गर्नुहुन्छ ‘नेपालमा हल्ला चलाउनेहरुको के कमी छर ?’
नेपालमा खोप ल्याउनकै लागि भनेर स्वास्थ्य मन्त्रालयमा दिनहुँजसो बैठक, छलफल भइरहेको छ। बुधबार पनि खाेप ल्याउने र खाेप व्यवस्थापनका सम्बन्धमा छलफल गर्न मन्त्रालयमा बैठक बस्दैछ । बुधबारकाे छलफलपछि कहिले, कसरी र कति खोप ल्याउने भन्नेबारे टुङ्गाे लाग्ने उहाँले जानकारी दिनुभयो। खोप आउनका लागि नीतिगत निर्णय मात्रै भएर नपुग्ने र थुप्रै प्राविधिक विषयमा पनि तयारी आवश्यक भएको मन्त्री त्रिपाठी बताउनुहुन्छ ।
‘खोप ढुवानिमा कोल्ड चेन मेन्टेन, प्राविधिक कुराहरु व्यवथापन लगायतका खाेप उद्पादन भएकाे स्थानबाट सिधै प्लेनमा ल्याउन आवश्यक व्यवथापनका कार्य गर्दै छाैं । हामी पनि सकेसम्म छिटाे खोप भित्र्र्याउन चाहन्छाैं, आज दिउसाे सम्म मिति पनि टुङ्गाे लाग्छ ।’ उहाँ भन्नुहुन्छ, ‘खाेप लाेड भएदेखि भण्डारण हुँदै खाेप लगाउने बेला सम्म उचित तापक्रमकाे व्यवस्थापन गर्नु मुख्य चुनाैति हुन्छ, हामी व्यवस्थापन गर्दैछाै।’
खोप आयात र व्यवस्थापनबारे छलफल गर्न मंगलबार साँझ पनि स्वास्थ्य मन्त्रालयमा बैठक बसेको थियो । बैठकमा स्वास्थ्य सेवा विभाग, परिवार कल्याण मशाखाशा, इपिडिमियोजोली तथा रोग नियन्त्रण महाशाखा लगायत स्वास्थ्य मन्त्रालयका उच्च पदस्थ अधिकारीहरु सहभागी हुनुहुन्थयाे ।
सो बैठक बसिरहेका बेलामै नेपालका केही अनलाइनहरुले बुधबार नेपालका कोरोना खोप आउँदै भनेर समाचार प्रकाशन गरेका थिए । यस्ता समाचार देखेर बैठकमा सहभागीहरु नै अचम्ममा परेकाे बैठकमा सहभागि एक अधिकारीले बताउनुभयाे ।
तपाईँको अभिमत