चिकित्सा शिक्षा पढाउने शिक्षकको योग्यता कस्तो हुनुपर्छ ? आयो कार्यविधि
चिकित्सा शिक्षाको उच्च शिक्षा अध्यापनका शिक्षकको मापदण्डका लागि कार्यविधि जारी भएको छ ।चिकित्सा शिक्षा आयोगले उच्च शिक्षा तहका शिक्षकको (फ्याकल्टी) न्यूनतम योग्यतासम्बन्धी मापदण्ड, २०७९ कार्यविधि जारी गरेको हो।
राष्ट्रिय चिकित्सा शिक्षा ऐन, २०७५ को दफा २१ र राष्ट्रिय चिकित्सा शिक्षा नियमावली, २०७७ को नियम ४६ बमोजिम कार्यविधि तयार पारेको आयोगले जानकारी दिएको छ ।
आयोगको २०७७।४।३० को बैठकबाट प्रत्योजित अधिकारका आधारमा कार्यकारी समितिले कार्यविधि तयार पारेको आयोगले जनाएको छ ।
विश्वविद्यालय वा प्रतिष्ठान वा शिक्षण संस्था अन्तर्गत मेडिकल र डेन्टलतर्फको शिक्षक (फ्याकल्टी) हुनका लागि सम्बन्धित विषयमा स्नातकोत्तर उपाधि प्राप्त गरी सम्बन्धित काउन्सिलमा दर्ता भएको हुनुपर्ने मापदण्ड कार्यविधिमा तोकिएको छ ।
शिक्षकका लागि उमेर हद ७० वर्ष तोकिएको छ । प्राध्यापक, सहप्राध्यापक र उप प्राध्यापक हुनका लागि योग्यताहरु तोकिएको छ ।
आयोगले तयार पारेको कार्यविधिको पूर्णपाठ
तपाईँको अभिमत