अमेरिकी राष्ट्रपति बाइडेनलाई कोरोना सङ्क्रमण, कस्तो छ अवस्था ?

अ +
अ -
अमेरिकी राष्ट्रपति जो बाइडेनलाई कोरोना सङ्क्रमण भएको छ । लस भेगसमा बुधबार परीक्षण गर्दा कोभिड १९ सङ्क्रमण पुष्टि भएको अन्तर्राष्ट्रिय सञ्चारमाध्यमले जनाएका छन् ।
राष्ट्रपति बाइडेन पुनः राष्ट्रपतिमा दोहोरिने दौडमा छन् ।
अन्तर्राष्ट्रिय सञ्चारमाध्यम एपीका अनुसार बाइडेनमा मध्यम लक्षण देखिएका छन् । उनी लस भेगसमा हुने भनिएको चुनावी कार्यक्रममा सहभागी नभई निवास फर्केर आइसोलेसनमा बसेका छन् । आइसोलेसनमा रहँदै दैनिक कार्यहरू पूर्ण रूपमा गर्ने समाचारमा उल्लेख छ । उनी त्यहाँ केही दिन रहने बताइएको छ ।
आफू बिरामी परेको जानकारी राष्ट्रपति बाइडेनले सामाजिक सञ्जाल एक्सबाट पनि दिएका छन् । एक्समा उनले ‘बिरामी छु’ भनेर लेखेका छन् ।
तपाईँको अभिमत