पुरुषमा यस्ता लक्षण देखिए मधुमेह हुन सक्छ !

मधुमेहलाई पहिले जस्तो एक खतरनाक रोगका रूपमा लिन छाडिएको छ । यो सामान्य रोग बनेको छ । यो रोग कतिपयले खास उमेर समूहलाई मात्र लाग्ने भनेर पनि बुझेका छन् । यो त्यस्तो पनि होइन । यो जोसुकैलाई जुनसुकै उमेरमा हुन सक्छ । ख्याल नगर्दा समयमै पत्ता लगाउन नसक्दा यसले गम्भीर परिणाम पनि निम्त्याउन सक्छ । पुरुषमा यसका केही खास लक्षणहरू देखा पर्छन् । 
लिङ्ग उत्तेजनामा कमी
रगतमा सुगरको मात्रा बढ्नाले धमनी लगायतका नसामा असर गर्छ । जसका कारण पुरुषमा लिङ्ग उत्तेजनामा कमी हुन थाल्छ । जर्नल अफ इन्टरनेशनल मेडिकल रिसर्चले गरेको एक अध्ययनअनुसार अधिकांश पुरुषले यो महसुस गर्ने गरेका छन् । यो मधुमेहको सुरुवाती लक्षण हो । पुरुषले यस्तो अनुभव गरेमा चिकित्सको सल्लाह लिन जरुरी हुन्छ ।
बारम्बार पिसाब लाग्नु
बारम्बार पिसाब लाग्नु पनि मधुमेहको एक संकेत हो । दिनभरमा पिसाब कतिपटक फेरियो भन्ने कुरा मानिसले ख्याल गरेको हुँदैन । तर रातमा हरेक दुई घण्टाको बिचमा पिसाब लागेमा मधुमेहको संकेत हुन सक्छ । विज्ञका अनुसार प्रोस्टेट बढ्नाले पनि पुरुषमा यो समस्या हुन्छ । यस्तो भएमा तुरुन्त चिकित्सकको सल्लाह लिन जरुरी हुन्छ । 
लिङ्ग वरपर संक्रमण
लिङ्गमा हुने संक्रमण पनि पुरुषमा हुने मधुमेहको संकेत हो । रगतमा सुगरको मात्रा बढ्नाले यस्तो हुन सक्छ । विज्ञका अनुसार पुरुषमा हुने यस्तो संक्रमणको सजिलै उपचार गर्न सकिन्छ ।
थकाई महसुस
विज्ञहरूका अनुसार रगतमा सुगरको मात्रा बढ्नाले थकान महसुस हुन्छ । धेरै बिरामीमा मधुमेह पत्ता लाग्नु केही दिन पहिले अधिक थकान हुने गरेको पाइएको छ । यदि यस्तो भएमा रगत परीक्षण गर्न जरुरी छ ।
वजन बढ्नु
वजन असामान्य रूपमा बढे यो मधुमेहको संकेत हुन सक्छ । एक अध्ययनका अनुसार महिला भन्दा पुरुषको वजन तुलनात्मक रूपमा बढ्दैन । त्यसैले सधैँ खानपान र शारीरिक व्यायाममा ध्यान दिन जरुरी हुन्छ ।
व्यायाम गर्दा छातीमा दुखाई हुनु
मधुमेहको सुरुवातमा यस्तो समस्या हुन सक्छ । छातीको दुखाई उच्च रक्तचापका कारण पनि हुन सक्छ । बारम्बार यस्तो समस्या भएमा चिकित्सकको सल्लाह लिन जरुरी हुन्छ ।
शीघ्र स्खलन
शीघ्र स्खलन मधुमेहको टाइप २ हुने संकेत हो । एक अध्ययनका अनुसार मधुमेह भएका हरेक २३ पुरुषले शीघ्र स्खलन भएको बताएका थिए भने ५ जना पुरुषको ढिलो स्खलन भएको बताएका थिए । 
आनुवंशिक कारण
यदि तपाईँको परिवारमा कसैलाई मधुमेह भएमा तपाईँमा पनि हुन सक्ने सम्भावना बढी हुन्छ । त्यसैले आनुवंशिक रूपमा यो रोग हुँदै आएमा नियमित रगत परीक्षण गर्न जरुरी हुन्छ ।