पछिल्लो २४ घण्टामा नेपालमा थप ८ हजार ४१८ जनामा कोरोना पुष्टि

हेल्थपाटी
बैशाख २५, २०७८ १७:३३ मा प्रकाशित

अ + अ -

काठमाडौं । पछिल्लो २४ घण्टामा नेपालमा थप ८ हजार ४१८ जनामा कोरोना भाइरसको संक्रमण देखिएको छ । २४ घण्टामा पिसिआर र एन्टिजेनसहित ८ हजार ४१८ जना संक्रमित पुष्टि भएका हुन् ।

१७ हजार ३१५ जनाको पिसिआर परीक्षणमा ८ हजार २८७ जनामा पोजिटिभ र ९८९ जनाको सिमा नाकामा एन्टिजेन परीक्षण गर्दा १३१ जनामा कोरोना पोजिटिभ आएको स्वास्थ्य तथा जनसंख्या मन्त्रालयले जनाएको छ ।

कुल संक्रमितमध्ये हाल ८३ हजार ४९३ जना सक्रिय संक्रमित छन् । हाल ३९८ जना संक्रमित क्वारेन्टा्रइनमा छन्। गत २४ घण्टामा ३ हजार ३७० जना उपचारपछि डिस्चार्ज भएका छन् ।

पछिल्लो २४ घण्टामा ५३ जना संक्रमितको मृत्यु भएको छ।