२० वर्ष उमेर पुगेका महिलाले खानैपर्ने खानेकुरा
यदि तपाई आफ्नो स्वास्थ्यप्रति सजग हुनुहुन्छ भने आफ्ना परिवारका बाँकी सदस्यको स्वास्थ्यको बारेमा पनि सोच्नुपर्ने हुन्छ । चाहे त्यो व्यक्ति तपाईको श्रीमान, श्रीमती, छोरा वा छोरी होस् उनीहरु सबैको स्वास्थ्यको ख्याल राख्नुपर्छ भनेर नवभारत टाइम्सले समाचार लेखेको छ ।
यी सबैको रेखदेखको जिम्मेवारी घरको प्रमुख व्यक्तिको हुन जान्छ । तर आज हामी परिपक्क भएकी सदस्य अर्थात छोरीको बारेमा कुराकानी गर्दैछौँ ।
२० वर्ष उमेर कटेपछि महिलाको शरीरमा हर्माेनल परिवर्तन आउँछ । जसका कारण विभिन्न समस्या देखिन सक्छ । यस्तो अवस्थामा मानसिक, शारीरिक र हर्मोनल परिवर्तन हुन्छ । त्यसैले सन्तुलित आहारबारे सोच्नुपर्छ । महिलाले २० वर्षपछि आफ्नो आहारमा के-के कुरा संलग्न गर्नुपर्छ त्यसको बारेमा यहाँ प्रस्तुत गर्ने जमर्को गरिएको छ ।
खानामा दूध अनिवार्य
२० वर्षपछि खानामा दूध अनिवार्य गर्नुपर्छ । किनकी शरीरमा हुने परिवर्तनले हड्डीमा असर पर्छ । दूधमा भिटामिन 'डी' र क्याल्सियम हुने भएकाले दूध पिउनु जरुरी छ ।
सुन्तलाको जूस
२० वर्षपछि हर्मोनल परिवर्तनले पिरियड र निजी जीवनमा पनि केही उतारचढाव आउँछ । जसले शरीरमा नकारात्मक प्रभाव पनि पर्न सक्छ । यो उमेरपछि महिलाले दिनको एक समयमा सुन्तलाको जुस पिउनु आवश्यक छ । तपाईले खाना खानु पहिले वा दिवा खानाको २ घन्टापछि पिउनु रम्रो हुन्छ । यसबाट महिलालाई उर्जा प्राप्त हुन्छ र शरीरमा हुने परिवर्तनलाई सजिलै रुपमा सामना गर्न सकिन्छ । सुन्तलामा भिटामिन–सी हुने हुनाले छाला, कपाल र प्रतिरोधी क्षमतालाई पनि दुरुस्तै राख्छ ।
टमाटर
हर्माेनल परिवर्तनको अवधिमा महिलाहरुले टमाटर खानुपर्छ । टमाटरमा लाइकोपीन नामको एक पोषकतत्व पाइन्छ जसले महिलालाई स्तन क्यान्सर हुनबाट जोगाउँछ । यस्तै अनुहारका लागि टमाटर एकदमै फाइदाजनक हुन्छ । टमाटरमा भिटामिन 'सी' र 'ए' पाइन्छ ।
यसका अलावा भटमास, हरियो सागसब्जी पनि अनिवार्य खानुपर्छ । सागसब्जीमा भरपुर आइरन र क्याल्सियम पाइने भएकाले हड्डी बलियो बनाउन सहयोग पुर्याउँछ ।
तपाईँको अभिमत