पाकिस्तानमा बलात्कारीलाई नपुंशक बनाउने कानुन पारित
के हो केमिकल क्यास्ट्रेशन ?
काठमाडौं । पाकिस्तानमा बलात्कारीलाई नपुंशक बनाउनका लागि मञ्जुरी दिने कानुन पारित भएको छ । पाकिस्तानका राष्ट्रपति आरिफ अल्बीले इन्टी रेप अर्डिनेन्स २०२० काुननलाई प्रमाणिकरण गर्नुभएको छ ।
गत महिना इमरान खानको क्याबिनेटले यस कानुनका लागि मान्यता दिएको थियो । अब पाकिस्तानमा बलात्कारीलाई केमिकल क्यास्ट्रेशन मार्फत बलात्कारीलाई नपुंशक बनाइनेछ ।
के हो केमिकल क्यास्ट्रेशन ?
केमिकल क्यास्ट्रेशनमा केमिकलले पुरुषको यौन चाहनालाई घटाएर टेस्टोस्टेरोन कम दिइन्छ । टेस्टोटेरोन मुख्य सेक्स हर्माेन हो । यसमा एनाफिडिसिएक औषधिको प्रयोग गरिन्छ । यो औषधिको असर केही समयसम्म देखिन्छ । औषधिको असर हटेपछि फेरि पहिलाको जस्तै यौन चाहा हुने गर्छ ।
एनाफिडिसिएक सुई र औषधि दुबै तरिकाबाट दिन सकिन्छ । औषधि नियमित रुपमा लिनुपर्दछ भने सुईले केही महिना काम गर्दछ ।बलात्कारको दोषी ठहरीएमा केमिकल क्यास्ट्रेशन सुई मार्फत दिइन्छ । सुईको प्रयोग गर्दा साइप्रोटेरोन एसिटेट, मेडराँक्सीप्रोगेस्टेरोना एसिटेट र एलएचआरएच जस्ता औषधिको प्रयोग गरिन्छ ।
यी औषधिले टेस्टोस्टोरोन हर्माेन कम गराई यौन चाहनालाई कम गराउँछ । अमेरिकामा केमिकल क्यास्ट्रेसनमा एमपीए, बेलायत र क्यानाडामा सीपीए औषधिको प्रयोग हुँदै आएको छ ।
केमिकल क्यास्ट्रेसनले हड्डीलाई कमजोर बनाउछ, शरीरमा रगतको कमी गराउँछ भने मांशपेशीलाई कमजोर बनाउछ ।
तपाईँको अभिमत