ह्ववात्तै बढ्यो कोरोना संक्रमित, ५५९ जनालाई कोरोना पुष्टि
काठमाडौं । एक सातादेखि प्रत्येक दिन लगातार कोरोना भाइरस संक्रमित बढिरहेको नेपालमा आज संक्रमण पुष्टि संख्या ह्ववात्तै बढेको छ ।
स्वास्थ्य तथा जनसंख्या मन्त्रालयका अनुसार ५५९ जनामा कोरोना पुष्टि भएको छ । ४ सय ९६ जना पिसिआर र ६३ जना एन्टीजेन परीक्षणमा गरी ५ सय ५९ जनामा कोरोना पुष्टि भएको हो।
२४ घण्टामा पीसीआर ४३ सय ७८ र एन्टीजेन ७२७ जना गरि जम्मा ५१ सय ५ जनाको भएको छ । कोरोनाबाट मृत्यु हुनेको संख्या पनि बढेको छ । पछिल्लो २४ घण्टामा १३ संक्रमितको मृत्यु भएको छ । यो संख्या झण्डै २ महिना यताकै उच्च हो ।
आज मृत्यु भएकासँगै कोरोनाका कारण मृत्यु हुनेको संख्या ३ हजार ५३ पुगेको छ । आज देशभर ४९६ जनालाई कोरोना पुष्टि भएको थियो भने १३८ जना कोरोनामुक्त भएका थिए ।
हालसम्म कोरोना संक्रमितको संख्या २ लाख ८० हजार ५२४ पुगेको छ जसमध्ये २ लाख ७४ हजार १६५ जना निको भएका छन् ।
अहिले सक्रिय संक्रमितको संख्या ३३ सय ६ रहेको छ ।
तपाईँको अभिमत