विमानमा रहेकी गर्भवतीले झुट बोल्दा आकस्मिक अवतरण, १४ यात्रु फरार
एक गर्भवती महिलाले झुट बोल्दा विमान बीचैमा अवतरण गर्नुपरेको छ। यही मौका पारेर विमानमा सवार केही यात्रु फरार भएका छन्। घटना स्पेनको हो।
बुधबार अफ्रिकी राष्ट्र मोरोक्कोको कासाब्लांकास्थित मोहमद भी विमानस्थलबाट पेगासस एयरलाइन्सको विमान टर्कीको स्तानबुलका लागि उडेको थियो। विमानमा २२८ यात्रु सवार थिए।
विमान उडेको केहीबेरपछि विमानमा सवार एक गर्भवती महिलाले आफूलाई सुत्केरी व्याथा लागेको बताइन्। उनले नजिकैको विमानस्थलमा तुरुन्त अवतरण गर्न भनिन्। विमानका कर्मचारीहरूले उनको कुरामा विश्वास गरेर स्पेनको बार्सिलोनास्थित एल प्रात विमानस्थलमा विमान अकस्मिक अवतरण गराए।
विमानका कर्मचारीहरुले महिलालाई अस्पताल लैजान थाले। यही मौका छोपेर विमानमा सवार २७ यात्रु बाहिर निस्किएर भागे। क्याटलान प्रशासनलाई उद्धृत गर्दै अन्तर्राष्ट्रिय मिडियाहरुले दिएको खबरअनुसार भाग्दाभाग्दै १३ जनालाई प्रहरीले समाउन सफल भए। १४ जना भने सुरक्षाकर्मीलाई छक्काएर फरार भए।
फरार १४ जनाको खोजी भइरहेको क्याटलान सरकारले जानकारी दिएको छ।
महिलालाई अस्पताल पुर्याइयो। ती महिलालाई सुत्केरी ब्यथा नगालेको चिकित्सकले बताए। जोसेप ट्याराडेलस नामकी ती महिलाले योजनावद्ध रुपमा यस्तो झुटो बोलेको पाइएको छ। महिलालाई हिरासतमा राखी अनुसन्धान भइरहेको छ।
तपाईँको अभिमत