बागमती लगायत प्रदेश १ र २ मा भारी वर्षा हुने
अ +
अ -
काठमाडौं । आज देशभर मौसम बदली रही धेरै स्थानमा वर्षा हुन सक्ने छ । अहिले प्रदेश १, प्रदेश २ र सुदूरपश्चिम प्रदेशका केही स्थानमा पानी परिरहेको छ । मौसम पूर्वानुमान महाशाखाका अनुसार प्रदेश १, प्रदेश २ तथा बागमतीलगायत प्रदेशका केही स्थानमा मेघ गर्जन र चट्याङसहित भारी वर्षा हुने छ ।
प्रदेश १, प्रदेश २ तथा बागमती प्रदेशका केही स्थानमा भने अति भारी वर्षा हुन सक्ने मौसम पूर्वानुमान महाशाखाले जनाएको छ । अति भारी वर्षा हुन सक्ने भएकाले बाढी, पहिरो तथा गेग्रान बहाव हुन सक्ने जोखिम रहेकाले आवश्यक सतर्कता अपनाउन महाशाखाले अनुरोध गरेको छ ।
मनसुनी वायुको प्रभाव रहेको तथा दक्षिणी भू–भागनजिक मनसुनी न्यून चापीय रेखा रहेको महाशाखाले जनाएको छ ।
तपाईँको अभिमत