मनसुन पूर्वदेखि पश्चिमतिर लाग्दै, आज यी तीन प्रदेशमा भारी वर्षाको सम्भावना

हेल्थपाटी
जेष्ठ ३०, २०८२ ०६:२९ मा प्रकाशित

अ + अ -

जेठ १५ देखि कोशी प्रदेशबाट भित्रिएको मनसुन बिहीबारदेखि गण्डकी प्रदेशसम्म पुगेको छ । मनसुन पूर्वबाट पश्चिम लाग्दै गरेको गरेको हो ।

यसैबीच आज दिउँसो तीन प्रदेशमा भारी वर्षाको सम्भावना देखिएको छ मौसम पूर्वानुमान महाशाखाका अनुसार कोशी, वागमती र गण्डकी प्रदेशका एक–दुई स्थानमा भारी वर्षाको सम्भावना रहेको हो । यी प्रदेशका केही स्थानहरू तथा देशका बाँकी भूभागका थोरै स्थानमा भने मेघगर्जसहित हल्कादेखि मध्यम वर्षाको सम्भावना देखिएको छ ।

राति भने मधेश प्रदेश र सुदूरपश्चिम प्रदेशका एक–दुई स्थानमा समेत मेघगर्जसहित वर्षाको सम्भावना रहेको छ । कोशी प्रदेशका एक–दुई स्थानमा भने भारी वर्षाको सम्भावना रहेको छ ।

राति देशका उच्च पहाडी तथा हिमाली भूभागका एक–दुई स्थानमा हल्का वर्षा वा हिमपात हुनसक्ने महाशाखाको भनाइ छ ।

भारी वर्षा र हिमपातको जनजीवनमा असर पर्नसक्ने भन्दै महाशाखाले सावधानी अपनाउन अनुरोध गरेको छ ।