बाथरुममा लडेर प्रचण्ड घाइते, सामान्य उपचारपछि दैनिक काममा फिर्ता
फाइल तस्बिर ।
हेल्थपाटी - बैशाख २४, २०८२ ०८:३२ मा प्रकाशित
अ +
अ -
पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ दैनिक काममा फर्कनुभएको छ । गएराति बाथरुममा चिप्लिएर लड्दा उहाँ सामान्य घाइते हुनुभएको र उपचारपछि दैनिक काममा लाग्नुभएको छोरी गंगा दाहालले जानकारी दिनुभयो ।
‘गएराती बाथरुममा चिप्लिएर बुवाको निधारमा सामान्य बाहिरी चोट लागेकोले नजिकैको मेडिसिटी अस्पतालमा सामान्य चेकजाँचपछि घर फर्केर नियमित काममा संलग्न हुनुभएको जानकारी गराउँदछु’, दाहालले सामाजिक सञ्जाल फेसबुकमा भन्नुभएको छ’, ‘बुवाको स्वास्थ्यबारे चासो र चिन्ता राख्नुहुने सबैमा धन्यवाद ।’
प्रचण्ड ललितपुरको खुमलटारस्थित निवासको शौचालयमा लड्नुभएको थियो ।
तपाईँको अभिमत