अस्पतालको आइसीयूकक्ष तोडफोड गर्नेलाई कारबाहीको माग
नेपाल चिकित्सक संघ चितवनले अस्पतालको आइसीयू तोडफोड गर्नेलाई कारबाहीको माग गरेको छ ।
यही असोज १७ गते चितवन मेडिकल कलेजमा उपचारका क्रममा बिरामीको मृत्यु भएपछि बिरामीका आफन्तले आइसीयूमा तोडफोड गरेका थिए ।
अस्पताल तोडफोड गर्नेलाई कारबाहीको माग गर्दै नेपाल चिकित्सक संघ चितवनले प्रमुख जिल्ला अधिकारीलाई शुक्रबार ज्ञापनपत्र बुझाएको छ ।
संघका चितवन जिल्ला सचिव डा. सूर्यप्रकाश सापकोटाले प्रमुख जिल्ला अधिकारी अस्मान तामाङलाई ज्ञापनपत्र बुझाउनुभएको हो ।
आइसीयूमा काममा खटिएका स्वास्थ्यकर्मीलाई समेत त्रसित बनाउने गरी गरिएको कार्य कानुनी राज्यको उपहास भएको बताउनुभयो । सापकोटाले बताउनुभएको छ।
तोडफोडको घटनामा संलग्नमाथि तत्काल स्वास्थ्य संस्था तथा स्वास्थ्यकर्मी संरक्षण ऐन २०६६ को संशोधन २०७९ अनुसार कारबाही अघि बढाउन माग गरिएको छ ।
ज्ञापनपत्र बुझ्दै तामाङले अस्पतालको सघन उपचार कक्षमा तोडफोड भएको विषय गम्भीर रहेको धारणा राख्नुभयो। उहाँले दोषीमाथि कारबाही गर्ने प्रतिवद्धता व्यक्त गर्नुभयो।
दोषीलाई कारबाही गर्नका लागि प्रहरी समक्ष जाहेरी दिन अस्पताललाई आग्रह गर्नुभयो ।
भरतपुर–१३ का ३६ वर्षीय रमेश कुँवरको उपचारका क्रममा मृत्यु भएपछि आफन्तहरु तोडफोडमा उत्रिएका थिए ।
उनलाई प्याङ्क्रियाटाइटिस र उच्च रक्तचापको समस्या भएर अस्पताल लगिएको थियो ।
अस्पतालले सेन्ट्रल भेन खोलेर औषधि दिँदा
लापरवाही पूर्वक घाँटीको शल्यक्रिया गरेको आरोप आफन्तले लगाएका थिए। बिरामीको मृत्युपछि तोडफोडमा उत्रिएका थिए।
तोडफोड चलिरहँदा प्रहरी पुगेर रोकेको थियो । तोडफोडमा संलग्न रहेको भन्दै प्रहरीले १० जनालाई नियन्त्रणमा समेत लिएको थियो ।
अस्पताल प्रशासनका अनुसार तोडफोडबाट आइसीयू कक्षको झ्यालको सिसा, ढोका, उपचार उपकरणलगायतमा क्षति पुगेको थियो।
तपाईँको अभिमत