कोरोना रिपोर्ट बदल्न साढे २ लाख ! चिनियाँ युवतीसँग ठमेलमा रातभर बार्गेनिङ
काठमाडौं । नेपाल भ्रमणमा आएकी चिनियाँ युवतीलाई पीसीआर परीक्षणको रिपोर्ट परिवर्तन गर्ने बहानामा चिनियाँले नै ठगेका छन् ।
चिनियाँ युवती वु छिन्रु लाई ठमेलमा होटल व्यवसाय गर्ने चिनियाँ चिनियाँले ठगी गरेका हुन् ।
वु छिन्रु नेपालबाट चीन फर्कने तयारीमा थिइन् । उनले हामीलाई दिएको जानकारी अनुसार वु छिन्रु ठमेलमा रहेको एक तिब्बती गेस्ट हाउसमा बसेकी थिइन् । त्यहीँ भेटिएका थिए उनलाई ठगी गर्ने ती चिनियाँ । आफूलाई गेस्ट हाउसको लगानीकर्ता बताउने बताउने चिनियाँ नागरिक वाङ मेङ, उनका छोरा वाङ वेन्हाओ र नेपाली युवा समेतको मिलेमतोमा ठगी गरेको वु छिन्रुले बताएकी छिन् ।
उनी भारत भ्रमण गरेर नेपाल छिरेकी थिइन् । करिब एकसाता नेपालमा बिताएकी उनलाई चीन फर्किन हतारो थियो । चीन उड्नु अघि कोभिड–१९ संक्रमण नभएको रिपोर्ट चाहिन्थ्यो ।
चिनियाँ भएकै सहज मानेर उनले कोभिड परीक्षणका लागि सहयोग गर्न वाङ मेङ आग्रह गरिन् । सहयोग गर्न तयार भएका उनले आफ्नै देशकी युवतीबाट पैसा झार्ने उपाय रचे ।
वाङ मेङले नेपाली युवामार्फत सुरुमा ह्याम्स अस्पतालका स्वास्थ्यकर्मीलाई होटलमै बोलाएर स्वाब संकलन गराएका थिए । उनीहरुले ३४ सय लाग्ने भने पनि होटलमै आएर आफ्नो समय बचत गराएकोले ५ हजार दिएको वु छिन्रुले भनेकी छिन् ।
हेम्समा एन्टिजेन मात्रै परीक्षण गरिएको देखिन्छ । हेम्समा एन्टिजेन परीक्षणको रिपोर्ट नेगेटिभ छ । तर वाङ मेङले त्यो रिपोर्ट वु छिन्रुलाई दिएनन् । रिपोर्ट खराब आएको, त्यसले चीन उड्न नमिल्ने भन्दै उनलाई हतोत्साहित बनाउन तिर लागे ।
हेम्समा परीक्षण गरेकै भोलिपल्ट उनी पीसीआर र एन्टिजेन परीक्षणका लागि नमुना दिन स्टार अस्पतालमा गइन् । एक नेपाली केटासँग उनी स्टार अस्पताल गएकी थिइन् ।
स्टार अस्पतालको प्रयोगशालामा गरिएको एन्टिजेन र पीसीआर परीक्षणको रिपोर्ट पनि नेगेटिभ नै देखिन्छ । तर ठगी गर्ने वाङ मेङले रिपोर्ट वु छिन्रुको हात पर्न दिएनन् । आफैँ रिपोर्ट लिन जान्छु भन्दा पनि जान नदिएको छिन्रु बताउँछिन् ।
उनलाई होटलमा राखेर छोरा वाङ वेन्हाओ र एक नेपाली युवालाई रिपोर्ट लिन पठाइयो । रिपोर्ट ल्याएर पनि उनीहरुले दिएनन् । रिपोर्ट खराब आएको, अब चीन उड्न मिल्दैन भन्दै रातभरि होटलको कोठामा राखेर बार्गेनिङ गरेको छिन्रुको भनाइ छ।
डाक्टरसँग आफूले बार्गेनिङ गरिरहेको भन्दै अन्तिममा १ लाख ९० हजार रुपैयाँसम्म रिपोर्ट मिलाई दिन डाक्टर तयार भएको वाङ मेङले वु छिन्रुसँग भनेका थिए ।
२ लाख ५० हजारबाट बार्गेनिङ सुरु गरेका उनीहरुले अन्तिममा १ लाख ९० हजार चाँही दिनै पर्ने नत्र चीन जान मिल्दै नमिल्ने भन्दै तर्साएका थिए ।
त्यसपछि आफूले अहिले ९० हजार मात्रै दिनसक्ने र बाँकी १ लाख चीन पुगेरदिन सहमत भएको वु छिन्रुले जानकारी दिइन् ।
बार्गेनिङ गर्दैगर्दै रात बितिसकेको थियो । उनले ५ हजार चिनियाँ युआन अर्थात नेपाली करिब ९० हजार वाङ मेङ तिरिन् ।
आफूले डाक्टरलाई त्यो पैसा दिएको र डाक्टरले रिपोर्ट मिलाएर पठाएको भन्दै वाङ मेङले बिहानको करिब ४ बजेतिर वु छिन्रुलाई रिपोर्ट दिए ।
कोरोना नभएको रिपोर्ट पाएर वु छिन्रु चीन गइन् । चीन गएपछि उनलाई वाङ मेङले तुरुन्त १ लाख चाहियो भनेर मागिरहेका छन् ।
नेपालमा आफ्ना नेपाली साथी भएकाले उसमार्फत यसबारे वुझ्छु भनेपनि वाङ मेङले पैसा तिर्नका लागि निरन्तर दवाव दिइरहेको वु छिन्रु बताउछिन् ।
ती दुवै अस्पतालमा हेल्थपाटीले बुझ्दा दुवै प्रयोगशालामा परीक्षण गरेको पुष्टि हुन्छ । दुवै प्रयोगशालाका रिपोर्ट नेगेटिभ देखिन्छ ।अस्पतालको सोही रिपोर्ट महिलालाई दिएका वु छिन्रुले आफूसँग पनि नेपाली साथीहरु रहेको भनेपछि ती व्यक्ति डराएर छिटो पैसाले भनिरहेको भनेका छन् ।
तपाईँको अभिमत