उपत्यकामा निषेधाज्ञा ३१ गतेसम्म थपियो, खाद्यस्टाेर खुल्ने
काठमाडौं । उपत्यकामा निषेधाज्ञाको समय जेठ ३१ गतेसम्म थप गरिएको छ।
काठमाडौं, भक्तपुर र ललितपुरका प्रमुख जिल्ला अधिकारीको बुधबार बसेको बैठकले निषेधाज्ञा समय जेठ अन्तिमसम्म लम्ब्याउने निर्णय गरेको हो ।
कोरोना भाइरस संक्रमणको चेन ब्रेक गर्न भन्दै उपत्यकासहित देशका धेरैजसो जिल्लाहरुमा वैशाख १६ बाट निषेधज्ञा जारी गरिएको थियो ।
तरपनि संक्रमण नघटेपछि उपत्यकामा निषेधाज्ञालाई जेठ १४ बाट थप कडा बनाइ किरानापसल समेत खोल्न दिइएको थिएन ।
तर आज बसेको प्रजिअहरुको बैठकले निषेधज्ञालाई केही खुकुलो बनाउदै जेठ मसान्तसम्म थप्ने निर्णण् गरेको छ ।
जसअनुसार जेठ १४ बाट उपत्यकामा बन्द गरिएको किराना पसल तथा खाद्यान्नका डिपार्टमेन्ट स्टोर खोल्न दिने निर्णय गरिएको छ ।
किराना र डिपार्टमेन्ट स्टोर बिहान ९ बजेसम्म खोल्न दिने निर्णय भएको भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिनुभयो ।
फलफूल र पुस्तक पसल पनि बिहान ९ बजेसम्म खोल्न पाइने छ ।
तपाईँको अभिमत