आज कहाँकहाँ हुनसक्छ वर्षा ?, यस्तो छ मौसम पूर्वानुमान
हेल्थपाटी - चैत्र २९, २०८१ ०६:४६ मा प्रकाशित
अ +
अ -
आज दिउँसो देशको पहाडी भूभागमा वर्षाको सम्भावना रहेको छ । पहाडी भूभागका केही स्थान तथा थोरै स्थानहरूमा मेघगर्जनसहित हल्कादेखि मध्यम वर्षाको सम्भावना रहेको हो ।
मौसम पूर्वानुमान महाशाखाका अनुसार उच्च पहाडी तथा हिमाली भूभागका थोरै स्थानहरूमा हल्का वर्षा र हिमपातको सम्भावना रहेको छ ।
राति सुदूरपश्चिम प्रदेशलगायत देशको पहाडी भूभागमा आंशिकदेखि साधारणतया बदली रहने सम्भावना रहेको छ । त्यस्तै पहाडी भूभागका थोरै स्थानमा मेघगर्जनसहित हल्कादेखि मध्यम वर्षाको सम्भावना रहेको छ । त्यस्तै देशको उच्च पहाडी तथा हिमाली भू-भागका थोरै स्थानहरूमा हल्का वर्षा र हिमपातको सम्भावना रहेको छ।
शनिबार पनि देशको पहाडी भू-भागका थोरै स्थानहरूमा तथा बाँकी भू-भागका एक-दुई स्थानमा मेघगर्जनसहित हल्कादेखि मध्यम वर्षाको सम्भावना रहेको छ । देशको उच्च पहाडी तथा हिमाली भू-भागका थोरै स्थानहरूमा हल्का वर्षा एवम् हिमपातको सम्भावना रहेको छ।
तपाईँको अभिमत